Првите денови со бебето се преполни со радост. Но, присутни се и прашања за тоа што е нормално, а што не.Како се запознавате со бебето, така учите и за неговите навики и распоред што нему најмногу му одговара.
Затоа, погледнете што се прави бебето во текот на својот ден.
ХРАНЕЊЕ
Повеќето бебиња јадат на секој час и половина или три, во зависност од тоа дали доите или давате формула. Обично, бебињата кои се дојат јадат почесто, бидејќи мајчиното млеко се вари побрзо.
Постојат многу начини бебето да ви каже дека е гладно – устата му се движи како да цица, ја отвора устата кон вас, ги става рацете во устата. Може и да плачат, но тоа значи дека се навистина гладни.
Ако бебето ја врти главата од градите и шишето, тоа значи дека е готови и дека му е доволно. Не заборавајте на подригнувањето по хранењето.
МЕНУВАЊЕ ПЕЛЕНИ
Бебето ќе има шест или повеќе мокри пелени и четири или повеќе пати со столица. Бебешката столица ќе биде тенка и темна во првите недели, можеби дури и темно зелена. Се вика мекониум. Со текот на времето, содржината ќе добие поинаква конзистентност и боја. Како одминува времето, столиците на бебето ќе бидат поретки.
ПЛАЧЕЊЕ
Ова е единствениот начин на кој тие можат да комуницираат со вас. Понекогаш може да ви биде тешко да разберете што сака вашето бебе, но секогаш размислувајте за распоредот. Ако бебето не јадело два часа, тоа е многу веројатно причина за солзи.
Ако пелената е чиста, а бебето сито, можете да го смирите на неколку начини:
- Завиткајте го во ќебе, така ќе се чувствува топло како во матката
- Гушнете го и галете се
- Лулајте го бебето
- Одете во тивка просторија и слушајте смирувачка музика
- -Дајте му цуцла
СПИЕЊЕ
Бебињата се уморуваат дури и по само еде-два часа неспиење. Бебето ќе спие многу часови во текот на денот и тоа е сосема во ред. Некои заспиваат додека јадат.
Триење на очите, немир, плачливост се знаци дека е време бебето да спие. Бебињата треба да спијат на грб или на страна, на рамна површина и без никакви играчки или додатоци.
До крајот на првиот месец, бебето ќе може да поврзе и да спие малку подолг временски период.
ИГРА
Меѓу сите овие редовни „обврски“ – пелени, хранење, спиење, бебето има мали периоди кога е будно. Тоа е идеална можност да играте со него. Бебето ќе се навикне на вашиот глас, вашето лице и допир. Смејте се, пејте, читајте, разговарајте со бебето, покажете му необични предмети. Добро е да ги искористите овие моменти за да го свртите бебето на стомак додека е будно.
