Целерот е зеленчук, кој во свежа форма најдобро е да се избегнува додека бебето не наполни една година. Помеѓу другото, тоа е поради тоа што процесот кој ќе го подготви бебето да го консумира е долготраен и оти постојат многу други растителни опции кои имаат богат нутритивен состав. Но, сварен во комбинација со други намирници може да почне да се воведува во исхраната по деветиот месец.
Ако некогаш сте се обиделе да испасирате целер, сигурно сте забележале дека тоа не оди лесно. Жилавоста на целерот е проблематична за блендерите и единствен вистински начин да се омекне е да се свари. Но, за време на варењето се губат сите хранливи состојки кои ги содржи целерот, а кои ги има во свежа состојба. Здравствените благодати на целерот за бебето вклучуваат добар извор на витамини и минерали, антиоксиданти…
Целерот го јакне имуниот систен и е лековит за дигестивните проблеми, а покрај тоа ги штити нервите и помага при респираторни проблеми.
Ако сакате да му дадете целер на детето во свежа состојба, тогаш е најдобро да одвоите листови, убаво да ги измиете, и потоа да ги додадете во некоја кашичка што ја подготвувате од други состојки.
