Англискиот збор “fournado” произлегува од зборовите четири и торнадо и е назив за нагла, ненадејна промена на однесувањето на децата помеѓу третата и петтата година. Сте имале дете кое е мирно, слуша и ретко кога плаче, а потоа одеднаш почнува викање, дивеење и изговарање на грди зборови. Што всушност се случило?
Ништо нема да ви биде јасно бидејќи не гледате причина за такво однесување. Но, четиригодишните деца своите емоции ги доживуваат многу мегаломански. Секој е голем. Страв како куќа. Ѕверска лутина. Љубов бескрајна. Чувство на самостојност бидејќи – сега сум голема девојка или момче и можам се само. Ќе тагуваат поради се и неизбежно солзите ќе бидат придружени со лелекање. Викање. Околу се.
ШТО ДА НАПРАВИТЕ?
Ќе биде тешко, но наоружајте се со трпение и имајте на ум дека станува збор само за фаза. Многу важна, развојна фаза кога се осомаостојуваат, подобро го запознаваат светот, а се уште најдобро не ги разбораат соте тие чувства кои им поминуваат и не можат ништо сами. Тоа ги фрустрира.
Четиригодишните деца се во преоден период, како на мост помеѓу бебе и дете. Тие се доволно големи за да мислите дека можат да направат нешто и дека веќе научиле секакви работи, но повторно не се доволни.
Не! Ова е зборот што најчесто ќе го слушнете во тоа лудило наречено “форнадо“. Ќе имате чувство дека ништо не ве слушаат. Уште полошо, ќе се чувствувате како да не знаете што правите. Но, на децата им треба структура и граници за да останат доследни во своите правила.
Не се впуштајте во борба за моќ со нив, тоа е сосема погрешен пристап. Останете присебни и едноставно кажете “не“ кога треба. Преголемите објаснувања во моментите на бес и лутина нема да им помогнат, бидејќи не ги слушаат. Тие се преокупирани со напливот на емоции. Кога ќе се смират, објаснете им повторно. На пример: “Не можам да ти дозволам да ја поминеш улицата сам затоа што не е безбедно за тебе“, “Не можеме да јадеме чоколадо сега затоа што прво треба да ручаме“.
Немојте по секоја цена да ги слушате советите на другите во тие моменти како треба да ги воспитувате децата, вие најдобро си го знаете детето, ниту пак да си дозволите себеси бесот и стравот толку да ве обземат да на крајот го удрите детето. Тие сега се веќе големи и се помнат.
Детето не игра натпревар на моќ со вас. Тоа едноставно не знае како да се справи со своите емоции. Затоа му требате вие – смирени, грижливи, човечни и нежни.
Ова воедно е и време кога стануваат попребирливи околу храната, сакаат се да биде по нивно. Обидете се да излезете од дома порано ако сакате да стигнете некаде на време. Внимавајте што зборувате бидејќи ќе ве копираат дури и кога мислите дека не слушаат.
На оваа возраст тие стануваат супер зборлести, па немојте да се чудите ако одеднаш почнат да разговараат со соседите во лифт или со продавачката во локалниот маркет. Вашето дете и понатаму е прекрасно мало суштество, само му треба вашата помош за да се справи со сите овие страшни емоции.
