Психолозите сметаат како ограничувањата му овозможуваат на детето чувство на сигурност и заштитеност. Но, одредени ограничувања може да го направат токму спротивното: да предизвикаат чувство на несигурност и да го забават развојот на детето.
Според стручњаците, од овие неколку работи никогаш не треба да го “лишите“ детето:
Плачење – Децата чувствуваат и се емотивни многу повеќе од возрасните. Немојте на детето да му забраните да плаче и не го срамете поради пуштените солзи во која и да е ситуација. Помогнете му да сфати зошто плаче и заедно пронајдете најдобар начин да се научи како да се носи со секоја животна ситуација.
Поставување прашања – Детето расте и учи за светот, поставувајќи се повеќе и повеќе прашања. На родителите понекогаш може да им биде тешко да пронајдат вистински одговори за сите прашања, особено кога се уморни. Но, квалитетното време кое ќе го минете со своите деца, помага во развојот и создава силна врска помеѓу вас и детето.
Бучава – Не му ја расипувајте секоја забава на детето. Нека пее и нека скока. Всушност, ова е единствен период од животот во кој е слободно да се однесува како што сака.
Дозволете му да каже “не“ – Ако му забранувате да вели “не“, всушност ги кршите детските граници. Наместо тоа, обидете се да пронајдете компромис или да му објасните дека понекогаш мора да прави нешто што не сака.
Тајни – Колку децата се постари, толку повеќе ќе им треба приватност. Треба да знаете што се случува во нивните животи, но внимавајте да не го загрозите нивното право на приватност. Вашата доверба е непроценлива.
Лутина или љубомора – Детето има право на негативни чувства. Запоменете дека нивната волја се уште не е силна и тешко се контролираат. Немојте да ги доведете во ситуација да помислат дека е во ред да изразуваат само позитивни чувства.
Право на грешки – Некој не сака грешки, но уште полошо е кога детето се плаши да погреши. Никогаш нема да се осуди да испроба нешто ново, ако стравува дека може да погреши.
