Огледалото е една од најдобрите играчки за бебиња. Овој за нас секојдневен предмет, за нив е мистериозен и воопшто не им е јасно кој тоа странец толку студиозно ги гледа од огледало.
Постои причина зошто огледалото е многу важно за развојот на децата, а детскиот психолог Наталија Богданова открива како тоа влијае на децата според возраста.
- Од раѓање до првата година
На многу меки детски играчки наменети за бебиња има и мало огледало и тоа не е случајно.
„Бебето во првите месеци од животот не разбира дека тие смешни мимики се само одраз, не е живо суштество, ниту пак знаат дека се тие. Сепак, им се допаѓаат очите, устата, носот што ги гледаат. Од каде доаѓа таа љубов кон суштеството во огледалото? Тоа е задача на одредени неврони во ќовечкиот мозок, кои се задолжени за обработка на податоци. Овие неврони се програмирани да анализираат изрази на лицето, сенки, контрасти… Многу научници се согласни дека лицети е најинтересната “играчка“ за бебиња, која им помага да научат да прават различни гримаси“, вели психологот Богданова.
Таа објаснува дека гледајќи го одразот во огледалото, бебето стекнува поцелосна слика за себе.
Како што расте детето, неговиот мозок почнува да чувствува помалку тактилни и повеќе визуелни сензации. Така, секогаш кога ќе се погледне во огледало, се создаваат врски помеѓу визуелните информации и тактилните информации што веќе ги примил.
„Така, бебето постепено почнува да сфаќа дека, како и сите други, има нос на средината на лицето, дека устата е долу, а очите се горе“, објаснува психологот.
- Прва победа
Ако вашето дете веќе научило да го препознава својот одраз во огледалото, тоа е одлично, но тоа не значи дека неговата личност сè уште е целосно формирана. Тоа е тековен процес, а бебето постепено, по неколку месеци, се запознава со својот „близнак“ во огледалото, па може да се препознае и на сликата.
Сепак, тоа е малку потешка задача бидејќи бебето не е запознаено со слики кои се „замрзнати“, туку е навикнато да го гледа својот одраз како се движи во огледалото. Секако, ќе помине некое време пред тој дефинитивно да сфати дека всушност се гледа себеси.
Дека детето сè уште не сфатило дека неговиот одраз е во огледалото, говори и тоа што упорно се обидува да стигне до детето од огледалото. Ги притиска носот, лицето, рацете кон огледалото, но сфаќа дека чувството не е ни слично како кога ќе го допре мајка му, татко му или друга драга личност.
Совет на психологот е да му дозволите на бебето самостојно да ја истражува сликата во огледалото, но понекогаш можете и да се погледнете заедно во огледало, и да му објасните дека сте вие двајца во одразот.
- После година и половина
Во овој период децата најмногу сфаќаат дека се тие во огледалото, а околу втората година веќе стануваат посвесни за себе.
„Тоа е мало човечко суштество кое веќе може да го каже своето име, иако веројатно ќе му треба малку време за да почне да зборува за себе да вели ‘јас’. Досега го кажувало само своето име, а за себе зборувало во трето лице. Сега, кога го гледа својот одраз во огледалото, вели „јас“, вели психологот Богданова.
Сега кога ја открило мистеријата на огледалото, веројатно нема да го интересира како порано, па повеќе ќе си игра со некои други работи.
