Резултати од нова студија спроведена на 135 деца со астма, на возраст од 5 до 12 години, покажала дека омега-3 масните киселини може да ги ублажат симптомите на астма кај децата, додека омега-6 масните киселини може да ги влошат.
Извори на омега-3 масни киселини вклучуваат риба и останати морски плодови, јаткасти плодови и семки, растителни масла како што се ленено, канола и масло од соја, и збогатени намирници како што се одредени јајца, јогурт, млеко.
Омега-6 масните киселини може да се најдат во бројни масла, вклучувајќи го пченкарното и сончогледовото, а присутни се и во мајонезот и во многу преливи за салата.
Резултатите од истражувањето покажале дека колку е поголем внесот на омега-6 масни киселини, толку шансите за влошување на астмата биле поголеми.
Зголемениот внес на омега-6 масни киселини истовремено предизвикал и зголемено ниво на неутрофили во крвта, бели крвни клетки кои имаат улога при воспаленија во организмот.
