Оние кои прележале Ковид-19 по првата доза на вакцинација имале значително високо ниво на антитела, кое не се зголемило по втората вакцинација, па веројатно нема да им треба втора доза, изјави д-р Алемка Маркотиќ, шефица на Клиниката за инфективни болести во Загреб.
Оние кои прележале КОВИД-19 ја примиле првата доза по природен пат, а потоа вакцината го зајакна нивниот имунолошки систем, така што првата доза резултираше со високо ниво на антитела, кои не беа засилени со втората доза. Тоа го видовме и во надворешната литература, па може да се очекува да се одлучи оние кои прележале Ковид-19 да не се вакцинираат со втора доза
Маркотиќ ги презентираше резултатите од истражувањето спроведено на Клиниката за инфективни болести „Фран Михаљевиќ“ меѓу нејзините вработени. Сите работници имале статистички значително повисоки вредности на имуноглобулин (IgG) еден месец по втората доза во споредба со првата доза. Жените реагирале подобро и имале повисоки вредности од мажите, особено по втората доза. Постои блага негативна корелација со возраста, одговорот е послаб кај постарите испитаници, но тоа е умерено, покажува истражувањето.
По втората доза, имало значително зголемување на антителата. Ниту еден здравствен работник не се разболел откако бил вакциниран, а не е утврдена ниту разлика помеѓу персоналот во однос на работното место во рамките на Клиниката.
Здравствените работници кои прележале Ковид-19 по првата доза имале значително високо ниво на антитела, кое не се зголемило по втората вакцинација. Кај оние кои не го прележале Ковид-19 по втората доза било достигнато нивото на оние кои ја прележале болеста и биле еднаш вакцинирани.
Овие резултати ќе доведат до нови политики во борбата против Ковид-19, убеден е директорот на Хрватскиот завод за јавно здравје, Крунослав Цапак.
„Оние кои прележале Ковид-19 ја примиле првата доза по природен пат, а потоа вакцината го зајакна нивниот имунолошки систем, така што првата доза резултираше со високо ниво на антитела, кои не беа засилени со втората доза. Тоа го видовме и во надворешната литература, па може да се очекува да се одлучи оние кои прележале Ковид-19 да не се вакцинираат со втора доза“, рече Цапак за „Вечерњи лист“.
