Најважна работа за секој родител е безбедноста на децата, а за да се намали ризикот од задушување на најниско можно ниво, важно е да се следат препораките на експертите.
Задушувањето е една од водечките причини за смрт кај малите деца. Се разбира, не можете да бдеете над вашето дете 24 часа на ден, но има бројни мерки на претпазливост што можете да ги преземете за да го минимизирате ризикот. Експертите за безбедност на децата откриваат кои опасни намирници можат многу лесно да предизвикаат гушење кај дете помладо од пет години.
Според експертите, децата се изложени на поголем ризик од гушење се до својата петта година
Намирници кои може да претставуваат опасност од гушење, според експертите, се виршли, грозје, јаткасти плодови и семки, како и пуканки. Секоја бонбона која е тврда, леплива, исто така може да биде опасност од задушување за деца под пет години. Имено, се покажало дека тврдите бонбони се на врвот на листата на најопасни намирници за децата поради ризикот од гушење. Исто така, ризик можат да претставуваат и парчиња месо или сирење, парчиња путер од кикиритки, гуми за џвакање и популарните „marshmallows“. На листата се најдоа и суров зеленчук и суво грозје.
Оваа храна се смета за високоризична за деца на возраст под пет години. Децата имаат мали дишни патишта во форма на инка и сè уште учат како правилно да ја обработуваат и голтаат храната. Оваа храна треба да се подготви на безбеден начин пред да му се даде на детето. Според експертите, децата се изложени на поголем ризик од гушење се до својата петта година.
Покрај тоа, тие веќе доволно ги совладале вештините на џвакање и дробење на храната пред голтање. Како што објаснуваат педијатрите на официјалната веб-страница на американското здружение на педијатри, постои уште една причина зошто децата имаат зголемен ризик од гушење – децата многу лесно го губат вниманието додека јадат. Затоа е секогаш важно да се внимава на малите деца додека јадат. Одење, трчање, смеење или зборување може да доведе до момент на невнимание.
Постои уште една причина зошто децата имаат зголемен ризик од гушење – децата многу лесно го губат вниманието додека јадат. Затоа е секогаш важно да се внимава на малите деца додека јадат. Одење, трчање, смеење или зборување може да доведе до момент на невнимание
NHS на својата веб-страницата обезбедува упатства за безбедна подготовка на храна за бебиња и мали деца. Тие препорачуваат воведување цврста храна од 6-месечна возраст. Експертите препорачуваат родителите на малите деца да им исечат тенко свежо овошје како банани, јаболка, праски, нектарини и круши.
Но, на овошјето како што се сливите, грозјето или црешите треба да им се исчистат коските и да се испасираат или исечкаат за да бидат побезбедни за јадење. Исто така, побезбедно е да се готви и исечка на коцки зеленчук како што се моркови, грашок, карфиол, компири и брокула. Погрижете се бебињата и малите деца да бидат будни и да седат исправено на високо столче додека јадат. Охрабрете ги бебињата и децата правилно да ја џвакаат и голтаат храната и да не брзаат со јадењето. Исто така, експертите сметаат дека е најдобро да избегнувате одредени „опасни“ намирници додека детето не дојде на возраст кога ќе може безгрижно да ужива во нив.
Што да направите ако детето почне да се гуши од парче храна?
Ако детето почне да се гуши од парче храна, треба да го легнете на стомак преку своите колена, така што главата и горниот дел од грбот да висат надолу. Удрете го горниот дел од грбот на детето неколку пати (не премногу силно) со дланката. Доколку овој метод не функционира, лекарите советуваат Хајмлихов зафат. Сепак, неговата примена се разликува кај бебиња до една година и постари деца. Бебето треба да биде свртено на градите, со лицето надолу и да се направи притисок помеѓу лопатките. Кај деца постари од една година, овој зафат се изведува на ист начин како и кај возрасните. Треба да застанете зад детето, да ги завиткате рацете околу него и да извршите ненадеен притисок на горниот дел од стомакот. Ова треба да го исфрли воздухот од белите дробови, а со тоа и страното тело.
