Главен тригер за реакцијата во која родителите наслино го тресат бебето е неговото плачење. Тоа е исклучително непријатен звук кој е важен за преживување на бебето. Но, во комбинација со бројните обврски и ненаспиеноста, кај родителите предизвикува однесување кое поединецот често не може адекватно да го контролира.
А, колку плачењето е важно говори и фактот дека телото на возрано лице, односно на родителот, е синхронизирано со тоа. Кога бебето плаче, на родителите им се забрзува работата на срцето, им се зголемува крвниот притисок, им се потат дланките и имаат нагласена и изразена потреба да го смират. За жал, родителите главно немаат искуство за однесуваање со бебе и како да го смират кога плаче. А, кога тоа се повторува од ден на ден и од месец во месец, тие почнуваат да се сомневаат во своите родителски способности. Се јавува депресија, чувство на безпомошност, исфрустрираност, а многумина сметаат дека бебето не ги сака, манипулира со нив и ги предизвикува.
ПРЕМОРЕНИ РОДИТЕЛИ
По денови преполни со стрес и замор, на луѓето едноставно им се случува неконтролитан налет на непресметливост, бес… Мозокот на ненаспиено лице делува како и кај оние под дејство на алкохол. Поединецот не е во целост свесен за своите постапки, ниту може да ги контолира. За жал, бебето ќе престане да плаче, но кога ќе сфатат што направиле, обично е предоцна.
При насилно тресење на бебето, неговата глава неконтролирано силно се движи нанапред и наназад, или од лево на десно. Мозокот силно се удира во коските од черепот, предизвикување пукање на крвните садови и оштетување на мозочното ткиво.
ПОВРЕДИТЕ НЕ СЕ ОТКРИВААТ СО ГОДИНИ
Како последица на таквото тресење, доаѓа до низа повреди. Тие лесно дури и не се откриваат се до учулипната возраст на детето, а се јавуваат во вид на пореметување во однесувањето или проблеми со учењето. Детето делува и се однесува нормално по тресењето, па родителите никогаш не одат на лекар. Она што исто така честос е случува, е да родителите на лекарот не му ја кажуваат вистинската причина за симптомите кај бебето. Па така, летаргија, нервози, проблеми со доењето или повраќањето се препишуваат на некои заболувања или грчеви (колики). Изостанува било каква форма на интервенција и тие бебиња, односно деца често повторно се тресат што само ја влошува состојбата со нивните претходни повреди.
Она што е најстрашно е што синдромот на тресено дете најчесто предизвикува целосна повреда на мозокот. Како последица, бебето односно детет страда од:
- Слепило
- Губење на слухот
- Заостанување во развој
- Тешки менатлни ретардации
- Проблеми со говорот и учењето
- Проблеми со однесувањето и вниманието
- Церебрална парализа
