Под прекумерна употреба на антибиотици се смета секоја нивна употреба кога нема потреба од тоа. Антиботиците се лекови за кои можеме да кажеме дека се едно од најголемите достигнувања на медицината. Но, прекумерното препишување на антибиотици доведува до појава на бактериска отпорност на нивните ефекти.
Некои микроби кои некогаш можеле лесно да бидат третирани со антибиотици, сега стануваат се поотпорни и поотпорни. Сето тоа предизвикува посериозни инфекции – пневмонија, инфекции на увото и синусите, менингитис, инфекции на кожата и туберкулоза.
Антибиотската резистенција е растечки проблем во светот. Центарот за контрола и превенција на болести на САД (ЦДЦ) го окарактеризира овој проблем како најголем светски здравствен предизвик, кој е најизразен во неразвиените земји во светот
Со антибиотици се лекуваат болестите предизвикани од бактерии. Тие дејствуваат против бактериите така што го запираат нивниот раст и размножување.
Постојат два главни типа на микроби кои ги разболуваат луѓето: бактерии и вируси. Микробите предизвикуваат болести со многу слични симптоми, но различни микроби различно се размножуваат и различно шират болести.
Бактериите се живи едноклеточни организми. Тие се насекаде околу нас и главно не прават штета, а во многу случаи се и многу корисни. Но, некои бактерии се штетни и можат да предизвикаат болести кога ќе се размножат во човечкото тело и ќе почнат да го попречуваат нормалното функционирање на организмот.
Вирусите, за разлика од бактериите, не се живи. Тие растат и се размножуваат само кога напаѓаат живи организми. Човечкото тело обично се бори против вирусите со својот имунолошки систем пред тие да предизвикаат болест. Но, постојат вируси, како обичната настинка, кои едноставно не можат да се спречат. Тие имаат свој тек и времетраење. Антибиотиците немаат ефект врз вирусите.
Пречестата употреба на антибиотици или од погрешни причини може да влијае на промена на структурата на бактериите толку многу што антибиотиците може да престанат да имаат ефект врз нив. Овој феномен се нарекува бактериска резистенција или антибиотска резистенција. Некои бактерии стануваат отпорни на повеќето од најмоќните достапни антибиотици
Лекарите препишуваат антибиотици од различни причини. Понекогаш издаваат рецепти кога не се сигурни дали инфекцијата е вирусна или бактериска, во очекување на резултатите од тестот на крвта. Исто така, лекарите понекогаш го прават тоа поради очекувањата на пациентите. Често се случува пациентот отворено да побара од докторот рецепт за антибиотик.
На пример, стрептокока во грлото е бактериска инфекција, но повеќето болки во грлото се предизвикани од вируси или алергии. Сепак, многу родители, штом нивните деца имаат болки во грлото, бараат лекарот да препише антибиотици, плашејќи се болеста да не се „искомплицира“.
Вирусите, за разлика од бактериите, не се живи. Тие растат и се размножуваат само кога напаѓаат живи организми. Човечкото тело обично се бори против вирусите со својот имунолошки систем пред тие да предизвикаат болест. Но, постојат вируси, како обичната настинка, кои едноставно не можат да се спречат. Тие имаат свој тек и времетраење. Антибиотиците немаат ефект врз вирусите
Сепак, земањето антибиотици за лекување настинка или некоја друга вирусна инфекција не дава резултат. Ова може да доведе само до создавање на бактерии кои е уште потешко да се убијат.
Што се случува кога прекумерно се користат антибиотици?
Пречестата употреба на антибиотици или од погрешни причини може да влијае на промена на структурата на бактериите толку многу што антибиотиците може да престанат да имаат ефект врз нив. Овој феномен се нарекува бактериска резистенција или антибиотска резистенција. Некои бактерии стануваат отпорни на повеќето од најмоќните достапни антибиотици.
Антибиотската резистенција е растечки проблем во светот. Центарот за контрола и превенција на болести на САД (ЦДЦ) го окарактеризира овој проблем како најголем светски здравствен предизвик, кој е најизразен во неразвиените земји во светот.
Што можат да направат родителите?
Нема семејство со мали деца кое редовно не се справува со настинки, болки во грлото и други вирусни заболувања. Кога ќе го однесете вашето дете на лекар, важно е да не очекувате дека ќе добиете рецепт за антибиотици. За да ја намалите можноста за настанување на антибиотска резистенција кај вашето дете, следете ги следниве совети:
- Прашајте го вашиот лекар дали болеста на вашето дете е вирусна или бактериска. Разговарајте со вашиот лекар за добрите и лошите страни на антибиотиците.
- Ако болеста е вирусна, прашајте го докторот како да го лекувате детето. Не го притискајте вашиот лекар да ви напише рецепт за антибиотици.
- Дозволете му на имунолошкиот систем на детето сам да се избори со вирусната инфекција.
- Кога вашиот лекар ќе ви препише антибиотици за бактериска инфекција, погрижете се вашето дете да ја испие целата доза. Во спротивно, инфекцијата може да се врати.
- Не давајте му на детето антибиотици подолго отколку што кажал докторот.
- Не користете антибиотици кои ви останале од порано.
- Не му давајте на вашето дете антибиотици кои се препишани за друг член на семејството.
Важно е и следното:
- Не носете го вашето дете во градинка или училиште додека е болно.
- Погрижете се да ги мие рацете што е можно почесто.
- Обидете се да го храните детето со разновидна храна, со многу сезонско овошје и зеленчук.
- Трудете се детето да биде физички активно.
