Додека половина од светот е заклучен, бројот на заразени се зголемува во многу земји, а веќе се спомнува и третиот бран на коронавирус, светлината на крајот на тунелот ја гледаме во вакцините кои се веќе достапни, и кои се надеваме ќе не вратат во нормалниот живот. Но, дури и со вакцините, вирусот SARS-CoV-2 најверојатно нема да исчезне, според студијата објавена во „Science“, но утешната вест е што би можел да стане како обична настинка.
Првите инфекции со коронавируси кои предизвикуваат настинка најчесто се случуваат на возраст од 3 до 5 години, по што луѓето можат да се заразат повеќе пати, поради што вирусот постојано циркулира во популацијата, но луѓето не можат повеќе да се разболуваат од него. Научниците очекуваат слично сценарио и од новиот коронавирус, кој на крајот може да стане закана само за деца под 5-годишна возраст, но како што и сега е случај, тешко дека децата ќе имаат симптоми или пак ќе имаат симптоми од типот на затнат нос
До тоа ќе дојде откако повеќето луѓе ќе стекнат имунитет – со вакцинирање или преболување на COVID-19. „Значи, тој колективен имунитет ќе зависи од стапката на ширење на болеста и стапката на вакцинација на населението“, коментира научничката Џени Лавин од Универзитетот во Атланта, која го водеше истражувањето. Во студијата, научниците сакаа да дознаат која е иднината на вирусот SARS-CoV-2 со проучување на шест постоечки видови на коронавирус – четири кои предизвикуваат обична настинка, како и вирусите SARS и MERS, кои се појавија во 2003 и 2012 година. Додека сите видови коронавируси предизвикуваат сличен имунолошки одговор, вирусот SARS-CoV-2 кој ја предизвикува болеста COVID-19 е најсличен на ендемските типови на коронавируси кои предизвикуваат настинки.
Овој вирус во моментов е опасен бидејќи станува збор за непознат патоген кој може да го оптовари имунолошкиот систем на возрасните лица, кој не е обучен да се бори против него и токму во тоа моментално лежи причината за неговото брзо ширење, како и голема опасност за многумина. Додека старите лица се најмногу изложени на ризик, децата ретко имаат проблеми со новиот коронавирус, а во истражувањето е објаснето зошто е тоа така. Имено, децата не се толку загрозени и подобро го поднесуваат вирусот затоа што постојано се изложени на нови патогени со кои претходно не се сретнале и можат подобро и поуспешно да се борат против нив.
Првите инфекции со коронавируси кои предизвикуваат настинка најчесто се случуваат на возраст од 3 до 5 години, по што луѓето можат да се заразат повеќе пати, поради што вирусот постојано циркулира во популацијата, но луѓето не можат повеќе да се разболуваат од него. Научниците очекуваат слично сценарио и од новиот коронавирус, кој на крајот може да стане закана само за деца под 5-годишна возраст, но како што и сега е случај, тешко дека децата ќе имаат симптоми или пак ќе имаат симптоми од типот на затнат нос. Ништо што би требало да не загрижува.
Накратко, научниците предвидуваат дека оваа форма на коронавирус би можела да стане ендемска, односно вирус што ќе се шири меѓу помал број на луѓе и ретко предизвикува сериозна болест.
Додека старите лица се најмногу изложени на ризик, децата ретко имаат проблеми со новиот коронавирус, а во истражувањето е објаснето зошто е тоа така. Имено, децата не се толку загрозени и подобро го поднесуваат вирусот затоа што постојано се изложени на нови патогени со кои претходно не се сретнале и можат подобро и поуспешно да се борат против нив
Кога инфекцијата би се ширела по природен пат, би биле потребни години за COVID-19 да стане ендемска болест, при што многумина би умреле, додека вакцината би можела да го скрати тој период на половина година до една година.
И други научници, со кои разговараа новинарите на „Њујорк Тајмс“ се согласуваат со таквото сценарио, нагласувајќи дека со вакцинацијата не би требало да се спречи инфекцијата и пренесувањето на вирусот, туку треба да спречи заболувањето на луѓето, така што SARS-CoV-2 би требало и понатаму да продолжи да циркулира низ целиот свет, само што повеќе нема да биде опасен.
Сепак, како што предупредува епидемиологот од Харвард, Марк Липсич, моделот што е користен во истражувањето тргнува од претпоставката дека новиот коронавирус е сличен на коронавирусите што предизвикуваат настинки, но тоа може и да не се покаже како точно. Според него, едно од потенцијалните сценарија е COVID-19 да стане сезонско заболување слично на грип, кое понекогаш ќе биде благо, а понекогаш и посмртоносно, исто како и грипот. Тој исто така предупреди и на новите варијанти на коронавирусот кои би можеле да ја искомплицираат ситуацијата.
Иако сите овие се потенцијални сценарија, и тој исто така смета дека најверојатно е дека новиот коронавирус ќе стане како настинка и нема да биде толку опасен како што е денес. Се надеваме дека научниците се во право и дека се ближи крајот на пандемијата.
