Регионалниот директор на Светската здравствена организација (СЗО) за Европа, Ханс Клуге, изјави дека доколку не се појави нова варијанта на коронавирусот, пандемијата наскоро би можела да заврши.
Директорот на СЗО, Тедрос Аданом Гебрејесус, претходно овој месец изјави дека светот никогаш не бил во подобра ситуација да ја оконча пандемијата на Ковид-19.
Зборувајќи за телевизијата RUV, Клуге рече дека се согласува со изјавите на Гебрејесус. „Доколку не се појави нова варијанта, епидемијата наскоро би можела да заврши. Треба да се надеваме на ова“, рече Клуге.
Тој смета дека постојаното следење исто така е важно и за брзо идентификување на новите варијанти. Апелира до сите да примат нова доза од вакцината против Ковид-19 пред зимата.
„Никогаш не сме биле во подобра позиција да ставиме крај на епидемијата“. „Го гледаме крајот, но не сме таму“, изјави претходно Гебрејесус.
Бранејќи го ставот дека целта е постигната во борбата против Ковид-19, Гебрејесус рече: „Најлошото нешто што можеме да го направиме во оваа ситуација е да застанеме“.
