Постојат неколку знаци кои јасно укажуваат дека вашето дете има проблеми со видот. На пример, ако замижува во едното око како пират или се навалува над книгата додека чита, време е да посетите офталмолог.
“Многу родители мислат дека детето не треба да му го проверуваат видот бидејќи не покажува знаци на проблем. Но, тоа не е точно. Важно е детето да прави редовни очни прегледи уште од најрана возраст”, предупредува офталмологот Гилс Едмондс.
Лошиот вид може да предизвика проблеми со учењето и однесувањето.
„Состојбите како што се страбизамот и амблиопијата можат поефикасно да се лекуваат ако порано се воочат. Конечно, очниот тест не само што го проверува видот туку може да открие и други основни здравствени состојби“, додава докторот.
Како симптоми кои најчесто ги воочуваат кај своите деца, а кои се јасен знак дека детето има проблеми со видот, родителите ги наведуваат седењето премногу блиску до телевизорот, држење на книгата премногу блиску до лицето и честите главоболки.
Осум знаци дека детето можеби да има проблеми со видот:
- Триење на очите
- Полоши вештини за читање
- Напрегање/страбизам
- Главоболки
- Навалување на главата
- Седење премногу блиску до телевизор
- Затворање на едното око
- Седење во прва клупа.
Просечната возраст на која родителите за првпат го носат своето дете на очен преглед е шест години, односно пред задолжителниот очен преглед при упис во прво одделение.
