Иако и многу истражувања претходно покажале дека подрастичен пад на плодноста не се случува пред 40-тата година и дека не треба да се плашите од неплодност во триесеттите, ново истражување покажалоо уште една предност на бременоста по 35-тата година. Истражувањето е објавено во списанието нJournal of the American Geriatrics Society, а истражувачите откриле дека подоцната бременост позитивно влијае на мозокот на мајката, односно го спречува губењето на помнењето подоцна во животот.
Истражувањето се темелело на 830 жени кои биле во период на постменопауза и било тестирано нивноѕо вербално помнење, функционални вештини и општи знаења. Истражувачите ја проучувале возраста кога жените го добиле првиот циклус, возраста кога жените забремениле, бројот на бремености и други фактори за да го проценат влијанието на бременоста и возраста на жената врз нивното ментално здравје.
Тие откриле дека учесничките чија последна бременост била по 35, година имале подобра меморија, а оние кои ја добиле првата менструација пред 13-тата година имале подобри општи спознанија. Исто така, истражувањето покажало дека жените кои го добиле своето прво дете на возраст од 15 до 24 години имале послабо здравје и функционални вештини во четириесеттите години.
Големиот пораст на нивоата на хормоните за време на бременоста позитивно влијае на мозокот на мајката, а истражувачите заклучиле дека поради подоцнежната бременост овие позитивни промени во мозокот траат подолго. „Иако не е доволно да се советуваат жените да чекаат до 35-тата година за да имаат уште едно дете, нашите сознанија за позитивното влијание на бременоста по 35-тата година врз здравјето на мајката подоцна во животот е многу значајно“, вели авторот на студијата, д-р Роксана Карим.
