Некогаш интолеранцијата на храна се сведувала на пречувствителност на млеко, мед, јагоди и јаткасти плодови, а во последниве години драстично расте списокот на намирници на кои децата “реагираат“ првенствено поради адитивите, вештачките бои и засладувачи во индустриски произведената храна. Иако реакциите на одредени намирници често ќе ви се чинат како несериозни тегоби, тие можат да го пореметат нормалното функционирање на органите за варење и да ги оштетат. Од тие причини, многу е важни на време да воочите некои од овие показатели на интолеранција на храна и да побарате лекарска помош.
ПОВРАЌАЊЕ
Повраќањето, меѓу останатото, се јавува и како последица на интолеранција на касеин, еден од млечните протеини. Доколку мисите дека детето лошо реагира на млеко, најмалку една недела исфрлете ги сите млечни производи од неговата исхрана. Постојат млечни производи без тешко сварливите форми на касеин, а за опоравување на цревата служат пробиотиците.
ХРОНИЧНА ДИЈАРЕА
Дијареата може да биде последица на интолеранција на глутен или лактоза, а често ја следи надуеност и гасови. Доколку се работи за овој тип на интолеранција, не треба да избегнувате ферментирани млечни производи, бидејќи процентот на лактоза во нив е многу низок. Прво од употреба исфрелете, барем на еден месец, сите намирници кои содржат глутен, а потоа тестирајте го детето за целијакија.
ХРОНИЧНО ВОСПАЛЕНИЕ НА УШИТЕ
Можен причинител е интолеранцијата на млечни производи, а во некои случаи чувствителноста на соја. Истражувања покажале дека кај 90% од децата со зачестни воспаленија на ушите, тоа е всушност реакцијана одредени прехранбени намирници. Потребно е на неколку месеци од исхраната да се исфрлат сите млечни производи, како и намирниците на база на соја.
ЕГЗЕМА ИЛИ ПОЈАВА НА ОСИП
Вакви кожни проблеми може да бидат реакција на комбинацијата на глутен, касеин, јајца и одредено овошје (портокал, грејпфрут, лимон, јагоди и ананас). Во овој случај,најдобро е детето да се однесе на алерголошки анализи на крв за да се елиминираат алергиските реакции како причина за промени на кожата.
ХИПЕРАКТИВНОСТ
Хиперактивноста може да биде последица на чувствителноста на вештачки бои или дури и самиот шеќер кои во зголемени количини се додава во голем број индустриски намирници. Најдобро решение за ваквите проблеми е избегнување на намирници кои содржат вештачки бои и поголемо количество шеќер.
ПРЕБИРЛИВОСТ
Преголема пребирливост кај децата кога станува збор за храната може да биде предизвикана од интолеранцијата на глутен или дефицитот на цинк во организмот. Освен тоа, целијакијата општо може да предизвика потешкотии во растот на детето, па недоволниот раст е еден од нејзините симптоми. Дефицитот на цинк, од друга страна, влијае на намалување на апетитот кај децата што повторно има влијание на самиот раст и развој, дури и на хормонално ниво.
