Во реалниот живот, и родителите грешат, губат нерви, викаат и понекогаш носат погрешни одлуки. Со цел барем малку да си ја олесните напорната улога на родител, погледнете ја оваа листа на работи на кои не треба да го присилувате вашето дете да ги прави.
1. Да јаде ако вели дека не е гладно
Лекарите препорачуваат три обилни оброци дневно и пет помали, но треба да се запомни дека секое дете е различно. Всушност, нашите тела не предупредуваат кога да јадеме, а кога да пиеме. Размислете дали некогаш сте виделе дете кое нема дгласно да даде до знаење ако е многу гладно. Веројатно не. Затоа, заклучокот е јасен.
2. Да биде нешто што не е
Ако вашето дете е срамежливо, прифатете ја таа негова особина и не се обидувајте да ја промените. Не го терајте да се дружи со многу деца ако сака да си игра само со еден најдобар пријател. Истото важи и за гласните деца.
3. Да се извини ако не знае што лошо направило
Често ќе слушнете како родителите на игралиштето им наредуваат на своите деца да се извинат за ова или она. Децата ќе се извинат, но навистина не знаат што згрешиле. Затоа, првото нешто што треба да направите е да им објасните што згрешиле.
4. Да му мавне на секој што ќе му се насмевне на улица
Правилото „не зборувај со странци“ треба да важи за да ги заштити децата од оние кои немаат добри намери.
5. Да спие во одвоен кревет ако не сака
Овде секој родител има веќе оформено мислење, но оние кои се малку полиберални се согласуваат дека децата не треба да се принудуваат на чекори на кои не се подготвени. Оставете го детето само да одлучи кога е подготвено да се раздели и да спие во својот кревет и соба.
6. Да го терате да направи нешто во што едноставно не е добро
Не ве охрабруваме да воспитувате дете кое лесно ќе се откажува, но доколку вашето дете не ги совладало основните вештини и по неколку месеци фудбалски тренинзи, крајно време е да го префрлите на друга активност, која тоа само ја избирало. Правењето нешто во што сте добри е одлично искуство за зголемување на самодовербата.
7. Оставање на детето да спие кај некој друг
Некои деца едноставно не сакаат да спијат кај нивните пријатели. Тие сакаат кога мама им прави појадок наутро, ја сакаат познатата соба и мирисот. Ако вашето дете вели дека не сака да остане кај некој друг, не го оставајте без разлика какви обврски или планови имате. Најважно е детето да се чувствува безбедно и заштитено.
