Психотерапевтката Филипа Пери открива како родителите најлесно можат да препознаат дека нивното дете е во добро ментално здравје. Како што објаснува таа, еден од најважните показатели за доброто ментално здравје на детето е силната врска со родителите, односно здравиот и функционален однос.
„Како психотерапевт, сум се сретнала со многу луѓе кои се жалеа на лош однос со нивните родители во детството. Повеќето од нив биле фрустрирани што нивните родители никогаш не биле љубопитни кога станува збот за работите кои ги интересирале или за активностите што ги правеле како деца“.
„Речиси сите родители се добри луѓе, но сепак многу често тие всушност не ги запознаваат своите деца или нивниот свет, што резултира со односи во кои премногу нешта се скриени и во кои почесто се водени од чувството на должност отколку љубов“, предупредува оваа угледна психотерапевтка и автор на книги за воспитување и растење на деца.
Како што додава, родителите обично се многу посветени на размислувањата за иднината на своето дете и можностите што можат да му ги создадат при изборот на училишта и поставувањето цели, но напоменува дека е многу поважно да се биде присутен со детето во сегашноста.
„Пред сè, треба да го видиме, разбереме и прифатиме нашето дете такво какво што е сега. Ако родителите изберат она што му одговара на нивното дете во сегашноста, иднината ќе им биде многу полесна, а нивниот однос ќе биде поквалитетен и поблизок“, објаснува Пери.
