Професорот по клиничка психологија, Мет Сандерс открива три родителски грешки/уверувања на кои треба да обрнете внимание.
Тоа го прави само за да ме нервира
Проф. Сандерс истакнува дека оваа грешка ја направиле речиси сите родители. Повеќето од децата едноставно не знаат зошто лошо и грдо се однесуваат, а многу малите деца имаат проблем своите мисли да ги преточат во зборови.
Значи, малку е веројатно дека нешто прават само за да ги нервираат родителите.
Сандерс вели дека децата понекогаш лошо се однесуваат оти се уморни, гладни… Обидете се да утврдите во што е проблемот, советува тој.
Се е моја вина
Многу родители за се, се обвинуваат сами себе, што и не е изненадување, оти постојано се под притисок.
“Некои родители за лошото однесување на децата се обвинуваат себе си. Понекогаш таа вина ги доведува родителите и до депресија. Превземањето на вината за се, е деструктивно. Тоа може да ве доведе дотаму да не сте во состојба да воведте ни мала промена во рутината, а можеби тоа ќе ви помогне да го решите проблемот. Затоа, мој совет е, не бидете премногу строги кон себе“, вели проф. Сандрес. “
Ова е само фаза
Децата минуваат низ различни фази, но Сандерс истакнува дека е важно родителите да сфатат дека некои проблеми во однесувањето не се неизбежни и не се задолжителна фаза од детскиот развој.
“Тоа што хистерично однесување кај две годишно дете препишувате на нормална однесување на таа возраст е целосно спротивно на поентата.Тоа важи за некои други агресивни или непријатни однесувања кои децата може да ги демонстрираат“, вели психологот.
