Секое семејство има свои вредности – оние работи во кои најмногу веруваме и за кои имаме најсилни убедувања. Какви и да се тие вредности, на нив ги учиме нашите деца. Без разлика дали сме свесни за тоа или не, тие се појавуваат во начинот на кој зборуваме, приказните што ги кажуваме и начинот на кој се однесуваме со другите, вели семејниот терапевт Дејвид Мекфејден.
Без разлика какви лекции свесно планираме да им всадиме, нашите деца учат со набљудување на нашите реакции, ставови и интеракции. Ова значи дека од витално значење е ние како родители свесно да размислуваме за разбирање на нашите сопствени вредности.
Најуспешните деца ги учат овие 10 животни лекции од своите родители:
1. Работна етика – Некои семејства имаат семејна историја на работохоличари чии деца се чувствуваат осамено. Некои семејства веруваат дека желбата и амбицијата се клучни. Каква работна етика сакате да всадите кај вашите деца?
2. Грижа за другите – Колку ви е важно семејството? Дали сакате да ја пренесете вредноста да дадеме се од себе за заштита и грижа за другите членови на семејството?
3. Почит кон другите луѓе
4. Искреност – Дали имате силен став кон лажењето и кажувањето на вистината што сакате вашите деца да ја прифатат? Дали има моменти кога верувате дека е во ред, или можеби уште подобро, да лажете отколку да ја кажувате вистината? Или верувате дека вистината е најважна во секое време и во сите ситуации?
5. Одговорност – Дали ви е важно поединците да преземат одговорност за своите постапки и да ги завршат задачите што рекле дека ќе ги направат?
6. Традиција – Некои семејства имаат традиции кои со генерации биле потпора на семејниот живот. Тие можат да бидат дел од културно наследство, религиозна практика или преференции за одредени празници. Традициите за кои верувате дека му додале смисла на вашиот живот е важно да ги споделите со вашите деца.
7. Дарежливост – Дали ви е важно да им помагате на семејството и пријателите во време на криза? Што е со помошта на странци?
8. Интелектуална љубопитност – Има многу да се научи во животот, а најпродуктивните, добро приспособени луѓе никогаш не престануваат да учат. Помагањето на децата да ја развијат нивната природна љубопитност за светот и луѓето околу нив ќе им служи добро во животот.
9. Простување – Сите сме биле повредени, разочарани, па дури и предадени од другите барем во еден момент од нашиот живот. Важно е да ги научиме нашите деца на уметноста на простување, како и како да се заштитат себеси, да поставуваат граници и да ги препознаваат знаците на злоупотреба од луѓето кои вообичаено им нанесуваат болка на другите и ги искористуваат.
10. Ефикасна комуникација – Учењето да се комуницира ефективно е вештина која добро се исплатува во текот на животот. Без оваа вештина, тешко ни е да се залагаме за себе и да ги изразиме нашите потреби, што може да доведе до непотребни разочарувања и гнев во нашите лични и професионални односи. Развивањето на ефективни комуникациски вештини гради самодоверба, ги отвора вратите, го подобрува решавањето проблеми и го зголемува успехот во животот.
