Приоритет на повеќето родители е да им обезбедат среќно детство на своите деца, но родителството може да биде предизвик. Психологот д-р Џезмин Мекој истакнува три начини на кои можеме да го подобриме нашето воспитување и родителство. Ова се советите што таа ги споделува на социјалните мрежи.
1. Дисциплинирајте со поголема соработка
„Размислете зошто го правите тоа што го правите и преиспитајте ги вашите одлуки“, советува д-р Мекој. Таа наведува и дека е важно децата да се вклучат во процесот на донесување на одлуки и повеќе да се фокусирате на соработка и компромис, наместо на послушност.
2. Поставувајте подобри прашања
Психологот тврди: „Децата учат да размислуваат критички кога поставуваме подобри прашања како: „Како се чувствуваше кога го правеше ова?“, „Што ти мислиш?“, „Се прашувам зошто го избра х наместо y? Ми се допаѓа да слушнам како размислуваш.“
3. Помогнете им на децата да разберат и критички да размислуваат за она што го консумираат, како што се филмови, емисии, книги итн.
д-р. Мекој објаснува дека тоа можеме да го постигнеме со забележување и истакнување на одредени дејства на карактерите. Можеме да истакнеме некои „лоши“ избори на ликови како лажењето и што може да влијае на нивното однесување, на пр. страв од неволја или слично.
„Со децата можете да разговарате и за чувствата на ликовите, нивните предизвици и целокупната порака на приказната“, заклучува психологот.
