Неодамнешно истражување покажало дека најмалку 40 милиони жени веројатно ќе доживеат долготрајни здравствени проблеми предизвикани од породувањето.
Истражувањето, објавено во списанието The Lancet Global Health, открило големо оптоварување на постнатални состојби од кои многу жени страдаат со месеци, па дури и со години по породувањето. Целта на истражувањето била да се разоткријат овие проблеми кои здравствениот систем треба повеќе да ги препознава.
Во истражувањето се истакнати најчестите проблеми со кои се соочуваат жените по породувањето.
- Болка за време на сексуален однос (диспареунија), која погаѓа повеќе од една третина од жените по породувањето (35%)
- Болка во долниот дел на грбот (32%)
- Анална инконтиненција (19%)
- Уринарна инконтиненција (8-31%)
- Анксиозност (9-24%)
- Депресија (11-17%)
- Болка во перинеумот (11%)
- Страв од породување (6-15%)
- Секундарна неплодност (11%)
Освен истакнатите, истражувањето вклучило уште неколку други здравствени проблеми кои можат да се појават, но се многу поретки.
- Пролапс на карличните органи
- Посттрауматско стресно нарушување
- Нарушување на тироидната жлезда
- Маститис
- ХИВ сероконверзија
- Повреда на нервите
- Психоза
- Венски тромбоемболизам
- Перипартална кардиомиопатија
Сите овие проблеми можат да имаат долгорочни социјални, економски и здравствени последици за жените и нивните семејства. Како што истакнуваат авторите на студијата, овие проблеми во голема мера се занемарени во клиничките истражувања, пракса и политика.
