Научниците со децении докажувале дека зборовите на родителите имаат огромна моќ врз умот на детето, особено во најраната возраст што влијае на неговиот развој. Имено, тоа што родителот му го кажува на своето дете има вистински ефекти, а покрај тоа има и зборови кои имаат крајно негативни последици, пренесува Fatherly.
Психолозите затоа предупредуваат на зборовите кои родителите треба да престанат да ги користат кога разговараат со своите деца, односно како треба да им се обраќаат за еден ден да пораснат во среќни возрасни луѓе.
”Шефица”
Иако на некои родители овој прекар им звучи симпатично, употребата на овој термин не е воопшто позитивна. Како што објаснуваат психолозите, оваа етикета главно се однесува на девојчињата кои заземаат водечка улога во општеството, без разлика дали се работи за група во градинка, училиште или дома. Ова е сосема разбирливо.
Меѓутоа, проблемот со нарекувањето на девојчињата „шефица“, е тоа што всушност се смета за критика. На детето тоа му зборува дека никогаш не треба да преземе улога на лидер, што е погрешно.
“Разгален/а“
Денес зборот „разгаленост“ се користи лесно, објаснуваат психолозите, а всушност почесто се поврзува со родителот отколку со детето. Имено, многу истражувања покажале дека дете кое ги добило сите привилегии всушност може да прерасне во добро приспособена, дружељубива, емпатична возрасна личност, се додека родителите ги поддржуваат овие вредности во своите домови.
Нарекувањето на детето „разгалено“ јасно дава до знаење дека родителот чувствува дека има некаква неповратна грешка кај неговото дете. Но, можеби што е уште поштетно,тоа исто така ја прикрива вината за тоа кој би можел да биде одговорен за моделирање на алчност, себичност или непослушност кај детето.
“Паметен/на“
Дали е лошо да се пофали дете? Се разбира дека не, но тоа може да биде контрапродуктивно, што е опасност во нарекувањето на мало дете „паметно“. Предлогот дека е паметен е дека детето едноставно е родено со некоја вродена интелигенција која му овозможува лесно да решава одредени проблеми. Сепак, ова ги намалува вистинските алатки што му се потребни на детето за решавање на проблемите, како што се креативното размислување, упорноста и концентрацијата, објаснуваат психолозите.
“Глупав/а“
Ова е многу дискриминаторски збор кој, за жал, сè уште го користат многу родители, обично во лутина или фрустрација кога детето прави нешто што ним не им се допаѓа. Кога ќе го слушне овој збор, детето мисли дека е страшно само по себе и тогаш има уште поголема тежина. Кога на тоа ќе се додаде фактот дека многу деца разбираат дека терминот се користи за означување на нечија интелектуална слабост, често станува доста поразително. Психолозите предупредуваат дека кажувањето на овој збор всушност се граничи со вербална злоупотреба.
