Имате еден од оние денови кога се чини дека нечистотијата ве напаѓа од сите делови на станот; купишта книги, списанија и играчки се насекаде, готвите вечера и слушате како децата се жалат дека им е ужасно здодевно. Но, и во сосема хаотични денови не смеете да заборавите дека сте добар родител.
Секако, задачата на родителот е да постави здрави граници и дека зборот „не“ е вашето секојдневие, но да се биде добар родител значи и изложување на децата на целото животно богатство, дозволувајќи им да учествуваат во различни процеси.
- Им дозволувате да се извалкаат
Кал, боја или храна – ако вашите деца се најдат прекриени со некоја од овие работи, браво мајко! Чевлите ќе се исушат, калта и нечистотијата ќе се исперат, но она што нема да исчезне се прекрасните работи што ќе произлезат од тоа. Секој пат кога ќе му дозволите на вашето дете да го истражува дворот, да копа во нечистотијата и да ги проучува растенијата, неговиот имунолошки систем се зајакнува. Научните истражувања дури покажуваат дека сме посреќни кога се валкаме. Исто така, неуредните искуства ги развиваат нашите сетила – затоа, кога децата одат во парк, сакаат да го пробваат песокот и со задоволство ги ставаат босите нозе во калта. Затоа што се чувствуваат одлично!
- Им ја читате нивната омилена книга одново и одново
Кога родителот ќе ги слушне зборовите „Сега читај повторно од почеток!“, со воздишка што детето не ја слуша, врти на првата страница и почнува да ја чита омилената приказна пред спиење. Повторно. И повторно. Читањето му овозможува на вашето дете да го развие својот мозок, но и имагинацијата. Заедничко искуство кое ќе му помогне на детето да ги развие јазичните вештини, но и ќе му даде чувство за светот околу него. Заедничкото читање ќе го зајакне чувството на сигурност и интимност помеѓу вас и децата.
- Им дозволувате да уживаат во здодевноста
Современото општество разви необичен страв од досада. Празните места на децата ги пополнуваме со десетици играчки за тие секогаш да се забавуваат со нешто, но сепак постои силна врска помеѓу досадата и креативноста. Научник за развој на деца објаснува дека наместо да им го пополнуваме просторот на децата кога им е здодевно, треба да го развиеме нивниот капацитет за досада. На почетокот треба да им покажете дека досадата е пријатна, покажете им со пример. На крајот, досадата ќе ги раздвижи децата и ќе ги поттикне да ја развиваат сопствената креативност и да научат како сами да го пополнат времето.
4. Се спуштате и играте на нивно ниво
Се спуштате на нивото на вашето дете, го гушкате, го скокоткате и играте различни игри на подот. Покрај тоа што е одлично за трошење на енергија, градење блиски односи, му покажувате на вашето дете како да се заштити; исто така е добро за тестирање на нивните физички граници. И тоа не е само „таткова игра“ и мама може да учествува во сите овие игри.
