Мајка од Тексас, Алисе Оглетри, постави нов светски рекорд за најголема количина донирано мајчино млеко од страна на поединец, објави Гинисовата книга на рекорди. Оваа мајка на три деца донирала неверојатни 2.645,58 литри млеко до јули 2023 година, соборувајќи го сопствениот рекорд од 2014 година.
Тогаш, кога првпат го поставила светскиот рекорд, донираше 1.569,76 литри. Сите донации ги испратила во банката за млеко за мајки во Северен Тексас, а уште повеќе млеко, кое не било пресметано во официјалниот резултат, го донирала на блиски пријатели.
Таа со своите донации им помогнала на повеќе од 350 илјади предвремено родени бебиња
На прашањето кој е нејзиниот омилен дел од донирањето млеко, Оглетри изјавила дека тоа е „сознанието дека им помага на другите“.
„Имам големо срце. На крајот на денот, немам многу пари за да продолжам да донирам затоа што имам семејство за издржување. Ако проценката од три бебиња по унца е точна, им помогнав повеќе од 350.000 бебиња“, изјави Оглетри за Гинисовата книга на рекорди.
Се започнало во 2010 година кога го родила својот прв син, кој сега има четиринаесет години. Таа тогаш не знаела дека има можност да донира млеко, се до моментот кога сфатила дека произведува повеќе млеко од вообичаено.
“Премногу произведував и фрлав млеко, несвесна дека хиперпродукцијата е единствена и дека други мајки се борат со недостаток на млеко. Нашиот прв син Кајл беше во болница, а јас го полнев замрзнувачот. Една медицинска сестра ме праша дали некогаш сум размислувала да донирам, што дотогаш не ми падна на памет и така дознав за таа можност. На крајот донирав се што имав зачувано дотогаш и продолжив да донирам некое време“, објаснува таа.
Со донирање продоолжила и по раѓањето на другите два сина, и откако еднаш била сурогат мајка.
