Овчите сипаници или варичела се една од најчестите детски заразни болести, предизвикана од вирус. Кога вирусот ќе влезе во организмот, потребни се околу осум дена до три недели пред да се појават првите знаци на болеста. Болеста почнува неспецифично, како секоја вироза – зголемена телесна температура и лесно течење на носот, а по само 24 часа почнуваат да избиваат типични промени на кожата. Црвенилото, многу брзо, во средината добива водлест меур кој брзо пука и се создава мала краста.
Не е невообичаено родителите намерно да го изложуваат детето на овчи сипаници, со цел што порано да ги прележи. Секако познато е и дека варичелата може да биде многу посериозна во тинејџерскиот и возрасниот период, па прележувањето во детството и развивањето имунитет за спречување на добивање подоцна во животот, исто така е доволен поттик за родителите.
Повеќето стручњаци сметаат дека не постојат предности во намерното изложување на детето на овчите сипаници. Иако, варичелата обично не е опасна за повеќето деца, вирусот со себе може да донесе и потенцијален ризик од сериозни компликации, вклучувајќи воспаление на белите дробови, проблеми со крварење, енцефалитис, бактериски кожни кожни инфекции, синдром на токсичен шок, па дури и смрт.
“Овчите сипаници повеќето деца ги прележуваат во периодот додека се во градинка, оти се многу заразни и поради тоа често се јавуваат во епидемии. Текот на болеста обично е поблаг поблаг, ако детето заболи во раното детство, но намерното изложување на здраво дете со болно дете, не е препорачливо, пред се од хумани причини за болното дете“, вели д-р Ива Палчиќ, педијатар.
