Пубертетот е вистински ураган од емоции, во тоа нема сомнеж. Знаеме како е, затоа што и ние еднаш сме го поминале. Знаеме дека понекогаш не е лесно да се справиме со сите овие промени и дека едноставно некогаш оние кои минуваат низ тоа реагираат поради истите тие бурни емоции, па често им прогледуваме низ прсти. Но, знаеме и дека мораме да поставиме некои граници и да не дозволиме се…
Превртување очи, глумење повраќа, вртење грб, удирање со врати и тој арогантен одговор кога ќе им кажеме нешто… сето тоа може целосно да не полуди! Тогаш често и кај нас работите не одат мазно, туку нашите емоции едноставно избиваат од нас и се случува вистинска мала вулканска ерупција. А не го сакаме тоа.
Се разбира, понекогаш тоа не функционира на друг начин освен едноставно да викнете „Оди во својата соба!“. Но, со малку контрола, можете да се обидете да ги подсмирите работите и да ја ублажите ситуацијата. Д-р Кимберли Палмиото, психолог предлага 5 реченици кои можете да ги кажете кога тинејџер или дете на прагот на пубертетот ќе ви даде арогантен или навредлив одговор.
Еве кои 5 реченици ги предлага психологот:
- „Обиди се повторно, те молам“.
Ова е толку едноставно! Оваа реченица најдобро ќе делува кога ќе ве обземе лутина или ќе бидете повредени поради сето она што вашето дете штотуку ви го кажало и поради тоа не можете да дојдете до никаква значајна комуникација. Оваа реченица навистина добро функционира кога на детето технички му треба нешто или „моли“ за нешто, но всушност повеќе звучи како барање.
- „Смееш да бидеш фрустриран(а)/лут(а), но кога вака зборуваш со мене – не те слушам“.
На овој начин ќе ги потврдите чувствата на детето и ќе му дадете до знаење дека не се обидувате да го присилите да ги промени емоциите или да ги сокрие. Вие едноставно барате почит додека ви зборува за овие чувства.
- „Твојатапорака се губи порадитвојот тон“.
Заповедниот или навредливиот тон на разговор не е во ред. Но, сите знаеме дека реалноста и секојдневието се нешто сосема поинакво, каде што начинот на кој нешто кажуваме е често поважен од она што всушност го кажуваме. Овој потсетник ќе помогне да се запре и да се смени непријатниот тон што може да го имаат децата на оваа возраст.
- „Не знам дали токму така имашенамера да одговориш, но не беше добро“.
Ова е одличен начин да му дадете на вашето дете шанса повторно да размисли и да одговори. Вистина е, понекогаш сакаат намерно да повредат, но во принцип, обично се работи дека ги совладуваат емоциите. Изразувајќи ги овие чувства, тие кажуваат болни работи што всушност не ги мислат. Не е секогаш лесно да се направи разлика. Во секој случај, важно е да го предупредите вашето дете кога ќе каже нешто навредливо. Ова им дава шанса да го решат тоа со вас, но исто така ги прави посвесни за тоа колку може да бидат штетни нивните одговори.
- „Ми се чини дека ова навистина те вознемири. Можеби ќе биде подобро ако направиме пауза“.
Тајм аут или „ладење“ по голема кавга е важно во секој однос. Кога нашите емоции пламнуваат, лесно е да кажеме работи што не ги мислиме. Ваквиот одмор им дава шанса на двете страни да здивнат, да размислат за сè, а можеби дури и да ги споделат своите размислувања со некој друг, кој не е вклучен во ситуацијата и може да даде поинаква перспектива на работите.
