Воспитувањето дете не е лесно, но многу работи во детството влијаат на тоа какво ќе биде детето кога ќе порасне. За нивно добро некои типови на однесување не смеете да ги толерирате, па иако тоа ви е тешко – не попуштајте.
Ривалство помеѓу браќа и сестри
Таквото однесување смирете така шти на вашите деца ќе им дадете еднакво внимание, и ако едниот нешто добие, секако мора и другиот. Објаснете им дека подеднакво ги сакате и казнете го оној кој упорно му подметнува на другиот. Научете ги да ги почитуваат туѓите работи и туѓата приватност.
Склоност кон крадење
Не е потребно многу за да се објаснува дека тоа е многу лоша навика бидејќи децата го знаат тоа. Некои од нив со тоа само сакаат да привлечат внимание на себе. Учете ги децата да ги споделуваат своите работи со другите и да не бидат себични. Обрнете им внимание, играјте повеќе со нив, разговарајте искрено и без наметнување на вашето мислење.
Безобразно однесување кон други
Ова никако не се толерира бидејќи доведува до подоцнежни проблеми во животот. Ова посебно се однесува за однесувањето кон родителите. Објаснете му на детето дека не се однесува со другите на начин на кој не би сакал другите да се однесуваат кон него. Дете кое не ги почитува родителите и другите околу себе не може да порасне во добар човек.
Лажење
Понекогаш децата лажат поради реакција на родителите. На пример, ако нешто скрши, не демонстрирајте гнев, затоа што тоа може да му се случи на секого. Реагирајте смирено и разумно, а детето нема да има потреба да лаже дека тоа го направило. Исто така, објаснете му дека лажењето не носи ништо добро во животот и дека кога тогаш вистината излегува на виделина. Подобро е да се каже вистината и да се заврши со тоа, отколку да се лаже, па подоцна постојано да се стравува дали некој ќе дознае што навистина се случило.
Нетрпеливост и викање
Ако вашето дете, на пример, сака во тој момент да престанете да разговарате со некого и да му се посветите нему, не правете го тоа – особено ако притоа дивее и вреска. Смирено објаснете му дека сега зборувате и дека подоцна ќе си играте. Детето мора да научи да биде трпеливо и да ги почитува другите.
Себично однесување
На пример, ако нешто правите и имате работа преку глава, замолете ги децата да ви помогнат. Треба да научат дека не е добро да мислит само на себе, туку да им го олеснат животот на луѓето што ги сакаат. Освен тоа, ако извршите некоја работа заедно, ќе имате повеќе време за заедничка игра и дружење.
Се преправаат дека ништо не гледаат
Важно е уште од мали да научат дека треба да реагираат во одредени ситуации и да не се однесуваат како да не се загрижени. На пример, ако видат дека деца малтретираат некого во училиште, треба да му кажат на наставникот. Или, ако некој е скромно сиромашен, никако не треба да му се потсмеваат, туку да му помогнат колку што е можно.
