Утринските часови се најдобро време за подобрување и поттикнување на развојот на когнитивните вештини. Како и возрасните, децата имаат најмногу енергија на почетокот на денот и се подготвени за различните предизвици што ги носи денот. Со оглед на одмореноста, родителите во утринските часови можат да ги поттикнат децата да развијат вештини кои ќе им помогнат да совладаат одредени способности и да имаат поисполнет ден.
Здрав појадок
Родителите треба да ги поттикнат децата да повеќето утра, ако не и секое, да го започнуваат со хранлив појадок богат со намоирници кои ја подобруваат работата на мозокот. Децата за појадок може да јадат намирници како интегрални житарки, овошје и храна богата со протеини за да обезбедат основни нутиренти за оптимална когнитивна функција во текот на денот.
Време за читање
Секогаш кога е можно, децата наутро треба да издвојат време за читање. Без разлика дали се работи за заедничко читање на глас или децата самостојно да читаат книга, секоја опција е прифатлива. Со читањето книги, децата развиваат вокабулар, учат за различни и нови работи и стекнуваат вештини за критичко размислување.
Физичка активност
Родителите можат во утринската рутина на децата да вклучат и правење вежби. Вежбите кои вклучуваат истегнување, некои основни вежби или играње на отворено може да имаат позитивен ефект врз здравјето на мозокот, да ја подобрат циркулацијата и расположението, како и нивото на енергија и когнитивните функции.
Пишување дневник
Редовното пишување и водење дневник има многу придобивки за децата. Децата ги запишуваат своите мисли, чувства и искуства, што поттикнува саморефлексија, емоционално изразување и ја развива употребата на јазикот што го зборуваат во нивната околина. Освен тоа, децата истовремено влијаат на подобрување на меморијата и подобра работа и развој на когнитивните функции.
Решавање загатки
Со цел родителите уште од наутро да го поттикнат размислување кај децата, можат да побараат од нив да решаваат различни загатки. Тоа може да бидат загатки или слични игри кои ги предизвикуваат детските вештини за решавање проблеми, помнење и креативност, а во исто време го поттикнуваат когнитивниот развој.
