Станува збор за релативно честа летна инфекција кај децата, а ја предизвикуваат бактериите златен стафилокок и пиоген стафилокок.
Импетигото најчесто се јавува кај деца помлади од шест години, а почесто е во умерената клима и тоа за време на летните месеци. На појавата на оваа болест влијаат топлината, влажноста, лошите хигиенски услови и оштетувањата на кожата, објаснува д-р Олга Дабовиќ Рац.
Карактеристични жолти красти
Болеста може да се појави во форма на булозно импетиго со создавање меурчиња и во форма на небулозно. Меурчињата почесто се појавуваат на препоните и пазувите, додека небулозната форма се јавува на места на оштетување на кожата предизвикано од гребење, по каснување од инсект или некои воспалителни промени на кожата како што е сипаница.
Во повеќето случаи прво се појавува црвенило и црвени дамки, објаснува докторката, а потоа се создаваат гнојни меурчиња кои лесно пукаат и оставаат карактеристични жолти красти. Со допирање и гребење, промените брзо се шират по кожата и создаваат поголеми жаришта и се пренесуваат на други луѓе.
Во случај на овие симптоми задолжително обратете се кај вашиот лекар за да одреди терапија, а покрај неа, важна е и правилната хигиена игрижа за крастите.
Редовната хигиена ја превенира болеста
Импетигото лесно се шири меѓу децата во групите во градинките, а децата лесно го пренесуваат на своите домашни со употреба на заеднички крпи, предмети и облека.
Во лето, детската кожа е повеќе изложена на надворешни влијанија поради пократката и поотворена облека, а времето поминато на детските игралишта, на справи како што се лулашки, калацкалки и лизгалки, може да го интензивира преносот на инфекцијата меѓу децата.
Редовната лична хигиена е нужна во превенцијата на оваа болест, а децата кои се движат во големи групи или поминуваат време во летни кампови или базени треба да се потсетат да не ги споделуваат своите крпи со други за да се спречат појава на оваа непријатна болест.
