Секој ден се трудите да му подготвите хранлив појадок, ручек и вечера на вашето дете, но што е со меѓуоброкот или ужината? Кога сме во брзање и преоптоварени со обврски, најлесно ни е да му послужиме на детето бисквити или грицки кои не се здрави. Еве неколку здрави предлози.
Јогурт
Јогуртот е одличен извор на калциум, протеини и пробиотици кои му помагаат на детето да одржува здрава цревна микрофлора. Иако постојат овошни јогурти кои не се преполни со шеќер, најдобро е да изберете обичен јогурт и сами да го додадете овошјето. Покрај овошје, можете да додадете јаткасти плодови и разни семки, парчиња кокос или какао во прав.
Јаткасти плодови
Јаткастите плодови се одлична ужина за вашето дете. Тие се полни со протеини, влакна, витамин Е и омега-3 масни киселини. Друга предност на оревите, ф’стаците, бадемите и индиските ореви е тоа што брзо ќе го заситат вашето дете поради високата содржина на здрави масти.
Изберете јаткасти плодови кои се сурови и не пржени во масло, а препорачаната количина што вашето дете треба да ја јаде е онолку колку што може да собере во раката. Како што расте детето, така ќе расте и потребната количина на јаткасти плодови.
Свежо овошје
Иако содржи многу шеќер сам по себе, влакната што вашето дете ќе ги добие со овошјето ќе ги анулира негативните ефекти на шеќерот. Исто така, овошјето е богато со различни витамини, минерали и сложени јаглехидрати кои полека се разградуваат, за разлика од едноставните шеќери кои брзо се разградуваат и нагло го зголемуваат нивото на шеќер во крвта.
Свеж зеленчук
Истото правило што важи за овошјето важи и за зеленчукот. Ако сакате да додадете малку протеини и здрави масти во зеленчукот, послужете му на вашето дете хумус, путер од бадем или едноставен сос од авокадо, лимон, бибер и сол.
Цели зрна
Во меѓуоброкот можете да внесете цели зрна во форма на тортиљи, крекери, снегулки и леб. Тие се богати со влакна, витамини од групата Б и магнезиум. Пуканките се одлична закуска доколку не користите многу сончогледово масло или целосно го замените со кокосово масло. Овој тип на ужина, не се дава на деца под четири години. Секогаш избегнувајте пуканки во микробранова печка. Вкусот на пуканки можете да го надополните со разни зачини или мед.
