Во случај родителите да се емоционално незрели, на детето може да му биде тешко да воспостави здрав однос со нив. Без разлика на тоа колку детето сака да биде слушнато или разбрано, родителот на кој му недостига емоционална зрелост честопати не е во состојба вистински да сочувствува или да се поврзе со него на значајно ниво, објаснуваат психолозите.
Но, како да препознаете дека одреден родител е емотивно незрела личност?
Иако знаците се разликуваат од личност до личност, сите тие имаат некои заеднички карактеристики. Пред сè, тешко им е да ги сфатат емоциите на детето. Наместо да му пристапат со разбирање или сочувство, емоционално незрелите родители не можат да му ја дадат на детето потребната поддршка. Под ова психолозите пред се мислат на емоционална поддршка.
Друга карактеристика што е заедничка за речиси сите емоционално незрели родители е намерното избегнување разговор за одредени работи. Иако родителите треба да бидат подготвени за секакви разговори со своето дете, во повеќето случаи тие често избегнуваат одредени теми, особено ако не се подготвени да одговорат на некои прашања или темата им е непријатна од која било причина.
Уште една карактеристика е склоноста кон викање. За разлика од останатите родители кои знаат да ги контролираат сопствените емоции, на емоционално незрелите родители тоа не им оди од рака. Поради ова често се склони кон викање бидејќи сметаат дека само така можат да го решат проблемот при воспитувањето, што е сосема погрешен начин на размислување, велат психолозите. Исто така, овие родители често се склони кон насилство.
Емоционално незрелите родители, исто така, никогаш нема да преземат одговорност за сопствените грешки, барем не во повеќето случаи. Наместо тоа, многу побрзо ќе бидат подготвени да ги обвинат другите за своите постапки, вклучително и детето.
