Од почетокот на пандемијата на коронавирус до денес, вирусот еволуираше, а притоа се менуваа и симптомите на болеста. Губењето на мирис и вкус првично беше еден од најчестите симптоми на Ковид-19 и главен индикатор на болеста, а сега е дури деветти по ред најчест симптом.
Покрај тоа, симптомите се разликуваат и кај луѓето кои примиле само една доза од вакцината против Ковид-19 и кај оние кои ги примиле и двете дози и се заразиле, покажа нова студија од Велика Британија.
Луѓето кои се заразиле по примени две дози вакцина истакнуваат дека нивните симптоми траеле значително пократко, што сугерира дека имале поблага форма на болеста
Симптоми кај невакцинирани луѓе
Според студијата, најчестите симптоми кај невакцинираните луѓе вклучуваат главоболка, воспалено грло, течење на носот, треска и постојана кашлица.
Симптоми по првата доза
Симптомите што се јавуваат кај луѓе кои примиле само една доза од вакцината се слични на оние што се јавуваат кај оние кои не се вакцинирани. Тие вклучуваат главоболка, течење на носот, болки во грлото, кивање и кашлање.
Авторите на студијата објаснуваат дека упорната кашлицата која не поминува сега е меѓу петте најчести симптоми, но дека кивањето и течење на носот се јавуваат во поголема мера, иако претходно се сметаше дека овие симптоми не се поврзани со инфекцијата.
Симптоми по две дози
Симптомите што се јавуваат кај луѓе кои примиле две дози на вакцина вклучуваат главоболка, течење на носот, кивање, воспалено грло и губење на мирис.
Луѓето кои се заразиле по примени две дози вакцина истакнуваат дека нивните симптоми траеле значително пократко, што сугерира дека имале поблага форма на болеста, пренесува IFL Science.
Истражувачите велат дека на промената на симптомите може да влијае и фактот што вирусот се менува, но и тоа што сега се заразуваат други возрасни групи, пред се, помлади луѓе кои обично имаат поблаги симптоми на болеста.
