Многу нешта може да се вртат во потсвеста на детето и едноставно никогаш не можеме да бидеме сигурни за што размислува. Затоа е добро одвреме-навреме да го прашувате детето што мисли. Можеби изгледа малку необично, но долгорочно може да ја зајакне нашата врска со детето. Ова се прашањата што би требале да му ги поставиме на нашето дете.
- „Дали мислиш дека ги разбирам твоите чувства кога ги споделуваш со мене?
Многу е важно детето да чувствува дека е слушнато и разбрано. На тој начин ќе биде поприспособливо и поотворено во разговорот за секоја тема.
- „Што најмногу ти се допаѓа кај мене?“
На детето може да му се допаднат неколку работи кај родителот. Сепак, сознанието за тоа на што најмногу се восхитува кај нас, може да ни помогне подобро да ги разбереме неговите размислувања.
На овој начин можеме да ја задржиме таа навика, односно квалитет, за да го направиме нашето дете уште посреќно.
- „Што сакаш да правиш со мене кога сме заедно?
Различни деца сакаат различни активности. Некои можеби сакаат да танцуваат, а некои можеби сакаат да играат фудбал на отворено. Значи, знаејќи како детето сака да поминува време со нас може многу да помогне.
Можеме се повеќе да се препуштаме на оваа активност за да воспоставиме одлична врска со своето дете.
- “Што не ти се допаѓа кај мене?”
Децата немаат филтер. Затоа, за разлика од возрасните, нема да ни дадат дипломатски одговор кога ќе ги прашаме за работите што не ги сакаат кај нас.
Затоа треба да знаеме да ги слушаме, да прифатиме конструктивна критика и да работиме на споменатите работи.
- „Дали мислиш дека понекогаш не ти посветувам доволно време?
Како и во секоја друга врска, отворената комуникација со децата во голема мера придонесува за градење на силни темели. Во забрзаноста на нашите животи, колку и да поминуваме време со своите деца, тоа можеби нема да им биде доволно.
Затоа е важно да ги прашате и да го слушнете нивното мислење.
- „Дали си горд/а на мене?
Како се чувствува моето дете кога ме гледа? Дали е гордо на моите достигнувања? Дали воопшто знае за нив и дали ги признава? Ова се прашањата што треба да ги поставиме.
Со децата мораме да разговараме за нашите борби, предизвици, добри и лоши моменти; сето тоа ќе им помогне подобро да не запознаат.
Поставувањето на вистинските прашања може значително да го подобри односот со децата, ја зајакнуваат врската преку отворен разговор и меѓусебно разбирање.
