Секој родител би сакал неговото дете да биде суперпаметно. Она што можеби не го знаете е дека постојат некои знаци кои укажуваат на висок коефициент на интелигенција уште од мали нозе.
Ако вашето дете покажува некој од наведените знаци, време е да му се посветите и да му помогнете да го достигне својот целосен потенцијал.
1. Постигнува достигнувања пред врсниците
Родителите ги следат достигнувањата на нивните бебиња бидејќи на тој начин знаат дека тие се развиваат физички, когнитивно и емоционално. Сепак, ако вашето бебе успева да го постигне она што треба, порано од своите врсници, тоа е можен знак за интелигенција. На пример, ако 10-месечно бебе составува реченици, јасно е дека е понапредно од своите врсници.
2. Има добар фокус
Бебињата и малите деца не можат долго да останат фокусирани на одредена задача. Но, ако тоа не е случај со вашето дете, се чини дека имате малку Ајнштајн.
На пример, интелигентно петмесечно бебе може да си игра со дрвени коцки повеќе од 15 минути или внимателно да слуша додека му раскажувате приказна.
3. Сака да решава проблеми
Ако на детето му ги земете грицките, а тоа бара начин како да дојде до нив, се обидува да најде решение за проблемот. Напредните деца се многу добри во решавањето на проблемите и нема едноставно да се откажат.
4. Ужива во самотијата или дури ја претпочита
Децата се социјални и не сакаат да бидат сами, но доколку вашето малечко ужива во тоа, можно е да е натпросечно интелигентно.
Ваквите деца ќе ги препознаете по тоа што уживаат да си играат сами или повеќе го претпочитаат друштвото на поголеми деца отколку на нивните врсници.
5. Исклучително е љубопитно
Децата се љубопитни по природа, но ако интензивно ве испрашуваат за работите и светот околу нив, треба да понудите одговори и да го подобрите нивниот развој.
6. Претпазливо е
Еден од најраните знаци на интелигенција кај детето е претпазливоста. Таквите бебиња се свесни за својата околина и за луѓето околу нив. На рана возраст воспоставуваат контакт со очите и ве наградуваат со насмевка или со мавтаат кога ќе ве препознаат.
