Генетиката има своја улога во развојот на детската интелигенција, но не е единствениот фактор. Сѐ повеќе истражувања покажуваат дека и исхраната во раните години значително влијае врз менталните способности. Одредени намирници се богати со хранливи состојки кои го поттикнуваат развојот на мозокот, ја подобруваат меморијата и ја зголемуваат концентрацијата. Во продолжение откријте кои намирници можат да му помогнат на вашето дете да размислува побрзо и да учи поефикасно.
ЛОСОС
Лососот е одличен извор на омега-3 масни киселини кои се од исклучително значење за растот и развојот на организмот. Истражувањата утврдиле дека луѓето кои го користат во својата исхрана покаѓуваат подобри резулатти на тестовите за интелегенција.
ЈАЈЦА
Јајцата се познати како супер извор на протеини, а жолчката содржи хранливи елементи кои ја поттикнуваат работата на меморијата.
КИКИРИКИ
Кикириките се добар извор на витаминот Е и силен антиоксидант кој ја штити нервната мембрана. Оваа намирница му помага на детскиот нервен систем да ја искористи глукозата за добивање енергија. Секако, важна е и возраста на детето. Пред консумирање, консултирајте се со педијатар.
ОВЕС
Оваа намирница на детето ќе му обезбеди доволно енергија да се разбуди и да биде концентрирано во текот на училишниот ден. Овесот е извор на витамините Е и Б, магнезиум и цинк, што е доволно мозокот да функционира со полн капацитет.
