Според резултатите од нова студија, изложеноста на пасивно пушење е поврзана со повисока миопна рефракција, подолга аксијална должина и поголеми шанси за развој на умерена и висока кратковидост (миопија).
Во истражувањето учествувале 12.630 деца на возраст од 6 до 8 години. Треба да се спомене дека поврзаноста била поголема со поголема изложеност и помлада возраст на детето.
Се смета дека овие резултати упатуваат на тоа дека елиминацијата на изложеноста на пасивно пушење е важна за превенција на кратковидоста кај децата, особено кај семејствата со мали деца.
Кратковидоста е најчестото нарушување на очите во светот. Инаку, миопијата во детството претставува значаен јавно здравствен проблем, особено во Источна Азија.
Извор: JAMA Network Open
