Во Холандија и Данска, секоја мајка има законско право на помош на „краамзорг“, односно на патронажна сестра која е присутна по породувањето и која и помага на мајката како да го дои бебето, во хранењето, хигиената и негата. Таа секојдневно ги посетува родителите за да им помогне да се навикнат на животот со бебето.
Што е „краамзорг“?
Краамзорг е постпородилен негувател, односно еден вид на патронажна сестра, таа е обучен стручњак кој дава поддршка на мајките и нивните бебиња по породувањето. Освен што им дава практична помош на мајките и татковците и ги запознава со нивните должности, истовремено им дава и емоционална поддршка.
Во Данска, услугите „краамзорг“ се покриени со здравствено осигурување, а присуството на оваапатронажна сестра во посета служи и како превентивна мерка во препознавањето на одредени здравствени проблеми, како и проверка дали работите функционираат во семејството, дали има насилство и злоупотреба во семејството.
Покрај помошта за бебето, патронажните сестри во Данска и Холандија кпомагаат и при перењето на алишта и подготовката на оброци за семејството, како и во одржување на домот за да им се олесни на родителите. Ова зависи од индивидуалниот договор помеѓу краамзорг и семејството и може да се разликува во зависност од нивните желби и потреби.
Иако овој систем е ценет и искуствата на многу мајки покажуваат дека е корисен, проблемот е што на Данска и на Холандија често им недостигаат доволен број на негуватели.
