♦♦♦♦♦♦♦
Инфузиите со конвалесцентна плазма помагаат во подобрување на состојбата на пациентите хоспитализирани со коронавирус, сугерира нова студија.
Тимот од болницата „Монт Синај“ во Њујорк, открил дека на пациентите кои примиле плазма им била потребна помала поддршка од кислород, имале помала веројатност да умрат и поголеми шанси да бидат отпуштени од болницата.
Здравствените експерти велат дека плазмата е потенцијален третман „кој ќе ја смени играта“, но со малкуте донации, лекарите треба да одлучат кои пациенти ќе ја примат, а кои не.
Терапијата со конвалесцентна плазма е експериментален третман во кој плазмата од оздравен пациент со коронавирус се користи во третман на инфициран пациент во критична состојба. Надежите се дека антителата и имунитетот во крвта на здравата личност ќе бидат пренесени на болното лице. Оттука, заразеното лице потоа ќе развие антитела потребни за борба против коронавирусот.
Третманот првпат бил користен за време на пандемијата на шпанскиот грип во 1918 година.
Терапијата со конвалесцентна плазма е експериментален третман во кој плазмата од оздравен пациент со коронавирус се користи во третман на инфициран пациент во критична состојба
За студијата, објавена на medRxiv.org, тимот направил споредба на 39 пациенти со коронавирус кои примале плазма-трансфузии во однос на 156 пациенти кои не примиле.
Сите пациенти биле во сериозна до животозагрозувачка состојба на КОВИД-19, болест предизвикана од вирусот, и биле хоспитализирани помеѓу 24 март и 8 април оваа година.
Резултатите покажале дека состојбата се влошила кај 18% од плазма-пациентите, во споредба со 24% од оние кои не примиле плазма. По 16 дена, само 13% од пациентите кои примиле плазма починале во споредба со 24% од контролната група. Покрај тоа, околу 72 проценти од примателите на плазма биле отпуштени од болница во споредба со 67% од контролните пациенти.
„Конвалесцентната плазма е потенцијално ефикасна опција за третман на пациенти хоспитализирани со COVID-19“, напишаа авторите на студијата, кои напоменаа дека е потребно рандомизирано контролирано испитување за да се поткрепат наодите на студијата.
Американската агенција за храна и лекови (ФДА) го одобри користењето на конвалесцентна плазма за третман уште во минатиот месец.
„Претходното искуство со респираторни вируси и ограничените податоци што се појавија од Кина укажуваат на тоа дека конвалесцентната плазма има потенцијал да ја намали сериозноста или да ја скрати должината на болеста предизвикана од КОВИД-19“, изјавија претходно од ФДА.
Како и да, ФДА додаде дека пациентите кои се третираат со плазма мора да се во состојба на респираторна слабост или повеќекратно откажување на органите.
Луѓето можат да донираат плазма повеќе од еднаш, но мора да почекаат неколку недели по донирањето. (Дејли мејл)
♦♦♦♦♦♦♦
Конвалесцентна плазма може да дарува лице кое има оздравено од
инфекција COVID-19
Во нашата земја веќе има случаи на пациенти излекувани со крвна плазма. Конвалесцентна плазма може да дарува лице кое има оздравено од инфекција COVID-19, ако ги исполнува стандардните услови за дарување на крв и дополнителните критериуми:
- Да имaат документиран лабораториски доказ дека биле болни од COVID-19;
- Да имаат два негативни теста во рок од 24 часа;
- Да се минимум 21 ден без симптоми, по што ќе се направи дополнителен тест (трет) за да се потврди дека нема присуство на вирус;
- Машки дарители или женски дарители кои не раѓале или се негативни на HLA антитела;
- Ќе биде земен примерок за одредување на концентрација и/или титар на неутрализичаки антитела Anti-SARS-CoV-2.
