Дали ви се чини дека вашето дете е секогаш болно? Дали сте загрижени дека ќе му дадете премногу лекови? Можеби мислите дека вашето дете има ослабен имунолошки систем или сте загрижени дека лековите имаат негативен ефект врз неговото тело? Ако одговоривте потврдно на барем едно од овие прашања, можеби верувате во некои од честите митови кои не се вистинити.
Ако детето редовно се разболува на секои 15 до 20 дена, тоа не значи дека има слаб имунитет. „Настинката или високата температура се всушност знак дека вашето дете има способност да ги „пронајде“ овие вируси и бактерии и да се бори против нив“, објаснува д-р Парек
Според педијатарот д-р Нихар Парек, постојат три мита во кои родителите веруваат, а не би требало.
Честите болести значат и послаб имунитет на децата
Ова е еден од најчестите митови кога зборуваме за детскиот имунитет. Според д-р Парек, ако детето редовно се разболува на секои 15 до 20 дена, тоа не значи дека има слаб имунитет, пишува „Тајмс оф Индија“.
„Настинката или високата температура се всушност знак дека вашето дете има способност да ги „пронајде“ овие вируси и бактерии и да се бори против нив“, објаснува педијатарот.
Лековите можат да го ослабат имунитетот на децата
Родителите често се грижат дали ќе им се намали имунитетот на нивните деца поради пречестата употреба на антибиотици и други лекови против симптоми на настинка или кашлица.
Одговарајќи на оваа загриженост, која не е ниту научно заснована, ниту потврдена, д-р Парек вели дека „ако се дава вистинскиот лек од вистинската причина, а тоа е антибиотик за бактериска инфекција, сируп за кашлица, лек за намалување на температурата, тоа не му штети на имунитетот на детето“.
Постојат лекови кои можат да ја спречат болеста на вашето дете
Како што објаснува педијатарот, не постои лек кој може да спречи вашето дете да се разболи.
„Постојат мултивитамини и одредени лекови кои можат да помогнат и да зајакнат одредени системи за да не бидат погодени одново и одново. Но, нема нешто кое може да ги спречи децата да се разболат“.
