Играчките можат да служат како едукација, одлични се за окупирање на вниманието или едноставно забавни за игра. Но, не се сите играчки безбедни за употреба, особено не за деца помали од 4 години.
Педијатарот, д-р Викторија Анг, ги предупредува родителите на некои од таквите играчки:
- Телевизија, таблети и мобилни
“Последните насоки на Американското здружение на педијатри ги предупредуваат родителите да не им даваат на децата полади од 18 месеци пристап до екрани, освен кога е во прашање разговор преку видео“, вели д-р Анг. За деца од 18 до 24 месеци, родителите треба да избираат квалитетни телезвиски програми или апликации и секако – користењето треба да биде под надзор на родителите.
“Не им дозволувајте на децата сами да користат медиумски содржини“, истакнува таа и додава дека на деца помали од 2 години, треба да им се ограничи употребата на медиуми на најмногу еден час дневно.
Исто така предупредува и на користењето медиуми во текот на оброците и непосредно пред спиење.Истражувањата покажале дека е поверојатно децата кои биле изложени на прекумерна употреба на медиумски содржини во раното детство, подоцна ќе имаа поголеми развојни или проблеми во однесувањето.
- Многу мали играчки како џамлии или играчки со мали разлабавени делови
“Децата на јасли возраст обожаваат да ставаат работи во уста и постои голема опасност да ги голтнат или да почнат да се гушат ако играчката е премала“, нагласува педијатарката.
Како можете да процените дали играчката е многу мала?
Искористена ве-це хартија може да послужи како одличен показател. Ако играчката е доволно мала да ја собере во средината на картонскиот дел, тогаш е премала за да му се даде на детет на ова возраст. Исто така, добро е да ги проверите и плишаните играчки, да не имаат мали, лабави делови кои лесно можат да се проголтаат, како копчиња. Други потенцијално опасни играчки се оние кои имаат оштри агли или играчки со батерии кои не се убаво затворени.
- Играчки кои лесно се кршат
Запомнете дека помладите деца веќе знаат причина и последици.Сакаат да тестират што научиле, фрлајќи ги играчките или удирајќи со нив.Тоа е дел од нивниот развој и не се намерно лоши. .Затоа не им давајте на мали деца било какви игрчки кои се лесно кршливи, оти може да се повредат со скршените делови.
