Патувањето со деца е навистина посебно искуство – тоа е можност да се создадат доживотни спомени, но сите знаеме дека е неопходна добра организација на родителите за семејниот одмор да помине „мазно“.
Задачата што му претходи на патувањето – пакување, е сериозна логистика за родителите, кои обично постојано се преиспитуваат дали се понеле. “Очекувајте го неочекуваното. Секогаш пакувајте повеќе отколку што ви треба. Носете го со себе она што е најважно, во случај на изгубен багаж”, советува педијатарот д-р Џејми Фридман.
На патувањата секогаш може да се случи нешто неочекувано и непредвидено, но работа на родителите е да се подготват што подобро за тоа. За да биде полесно, педијатрите откриваат што секогаш носат на патувања со своите деца.
- Лекови
„Важно е да имате лекови при рака бидејќи никогаш не знаете кога детето одеднаш може да добие температура, да се повреди или да се пожали на болки предизвикани од раст“, вели д-р Фридман.
Таа препорачува покрај лековите како ибупрофен или парацетамол, секогаш со себе да носите и рецепти или некои специфични здравствени потребни работи.
„Секогаш со себе носам лек кој се дава во случај на алергиска реакција на кикиритки, што ја има мојот син, како и сè што му е потребно знаејќи ја неговата историја на астма“, додава педијатарот д-р Кендис Џонс.
- Омилени играчки
„Се погрижувам моите деца да ги спакуваат своите омилени играчки и работи што ќе ги интересираат, како што се кадифени играчки, ајпад, слушалки, грицки, нешто за читање и цртање. Тоа заштедува пари и спречува да создадат неволји“, вели д- р Џонс.
Д-р Фридман додава дека клучот за успешно семејно патување е да им се направи на децата да им биде пријатно, а токму играчките помагаат во тоа, како и грицките, книгите и слично.
- Комплет за прва помош
Д-р Ханза Баргава вели дека на семејно патување секогаш со себе носи комплет за прва помош, за да биде подготвена за можни исеченици, гребаници или алергиски реакции на најмалите.
Д-р Фридман вели дека својот „комплет“ за прва помош го склопува во однос на дестинацијата на која патуваат, па понекогаш може да содржи и локален хидрокортизон, антибиотска маст, антихистаминици…
