Со доаѓањето на постудено годишно време се се почести болестите на респираторниот систем, а белите дробови на децата се чувствителни на разби вируси и бактерии кои лесно се пренесуваат помеѓу децата и во семејствата. Воспалението на бели дробови или пневмонијата е една од најчестите и најтешки болести на системот за дишење, а може да биде лесна, но и тешка толку да може да го загрози животот.
Како и речиси сите болести кај малите деца, и воспалението на бели дробови може да се манифестира само со висока температура придружена со респираторни симптоми. Понекогаш е тешко да се препознае дека се работи за пневмонија бидејќи овие симптоми речиси секогаш се исти како и кај повеќето вирусни респираторни болести, особено со добра општа состојба на детето.
“Тука е исто така важна аускутацијата – може да се слушне ослабено дишење, крепитации, крчење, клинички преглед како и лабораторија (зголемен број на леукоцити и Ц-реактивен протеин ЦРП) и радиолошка (РТГ на бели дробови)“, објаснува д-р Лорна Стембергер Мариќ, педијатриски инфектолог од Заводот за инфективни болести на деца во Загреб.
РАЗЛИКА ПОМЕЃУ ВИРУСНО И БАКТЕРИСКО ВОСПАЛЕНИЕ НА БЕЛИ ДРОБОВИ
Исто така, пневмонијата може да биде вирусна или бактериска, а од тоа зависи и начинот на лекување. Децата со вирусна пневмонија обично имаат симптоми на настинка кои постепено се влошуваат, од температура од 38,5 ° C или повисока, кашлање до отежнато и забрзано дишење.
Овој тип на воспаление не е толку сериозен како бактерискиот, ниту може да се развие во него, но може да го направи детето поподложно на бактериската форма на болеста. За разлика од вирусните, симптомите на бактериска пневмонија се појавуваат одеднаш.
“Најчесто постои висока температура, а во периоди на зголемување на температурата се јавува и тресење, кога детето е во мирување, дишењето е забрзано и плитко, а кашлицата дава гушење. Дете со ваков вид на пневмонија најчесто не сака да јадете и општо изгледа многу лошо. Пулсот може да биде побрз, а усните и ноктите да се посинат. Можни се дијареа и повраќање, а во некои случаи може да се јави и болка во стомакот и вкочанетост во вратот“, вели проф. д-р Миливој Јованчевиќ, педијатар и советува доколку забележите некој од овие симптоми, задолжително да го однесете детето на лекар кој ќе знае дали се работи за вирусно или бактериско воспаление.
“Ако се работи за вирусно воспаление на белите дробови, антибиотиците нема да помогнат, така што лекувањето е ограничено на одморање и пиење доволно течности. Ако воспалението е предизвикано од бактерија, тогаш се лекува со антибиотици. Полесните форми може да се лекуваат со сирупи, додека потешките форми се третираат во болнички услови, најчесто со интравенски инјекции“, објаснува проф. Јованчевиќ и додава дека пневмонијата со соодветен третман може да трае и до две недели, а кашлицата може да трае и подолго.
“Повеќето пневмонии се т.н. небактериемични, додека околу 10-20% од детските пневмонии се т.н. бактериемични, односно кај нив пневмокок може да се најде и во крвта (хемокултура). Бактериските воспаленија на бели дробови во одреден процент кај децата може да се искомплицираат со плеврален излив (течност помеѓу двата листа на обвивката на белите дробови) или емпием (гној во плевралната празнина) со потреба од торакална дренажа. Кај потепките пневмонии општата состојба на детето е нарушена, детето забрзно диши, ја ‘штеди’ зафатена страна на градите, понекогаш има и потешкотии со дишењето, му треба дополнителен кислород, а состојбата може да прогресира до затајување на дишењето и потреба од механичка вентилација, “ вели детски инфектолог д-р Стембергер Мариќ.
