Педијатрите предупредуваат на опасност од задушување, особено кај деца под четиригодишна возраст.
Пуканките се омилена ужинка за деца и возрасни, а нивната крцкава текстура и одличен вкус ги прават совршен избор за скоро секоја пригода. Иако оваа закуска изгледа сосема безопасна, експертите забележуваат дека може да биде опасна за деца под 4-годишна возраст, пренесува „Brightside“.
Според експертите, децата под четиригодишна возраст имаат поголем ризик од задушување. Дури на четиригодишна возраст децата можат целосно да ја соџвакаат храната. Тоа се случува затоа што на оваа возраст избиваат нивните катници
Иако многу родители се свесни за опасностите од задушување со работи како што се батерии или мали играчки, вообичаените опасности поврзани со храната се уште се непознати за многу мајки и татковци. Мајка на три деца, во 2019 година, ја раскажа за весникот USA Today својата приказна за опасноста од пуканки. Имено, нејзиниот двегодишен син завршил во болница откако јадел пуканки со семејството.
Момчето кашлало и имало треска. По прегледот, лекарите откриле дека вдишило пуканки во белите дробови, што предизвикало воспаление. Лекарите му извадиле парче пуканка од белите дробови и за среќа приказната имала позитивен крај. Сепак, мајката на детето излезе во јавност за да ги предупреди другите родители колку опасна може да биде оваа закуска.
Исто така, според експертите, децата под четиригодишна возраст имаат поголем ризик од задушување. Дури на четиригодишна возраст децата можат целосно да ја соџвакаат храната. Тоа се случува затоа што на оваа возраст избиваат нивните катници, а нивните вештини за џвакање стануваат доволно добри за да ја разградат храната на помали парчиња пред да ја голтнат.
Покрај тоа, помладите деца многу лесно се деконцентрираат од работите што се случуваат околу нив, што исто така го зголемува ризикот од задушување. Затоа секогаш треба да им се помага кога јадат. Пешачење, трчање, смеење или зборување додека јадат, како и пребрзо јадење, исто така може да доведе до задушување, предупредуваат педијатрите.
Пуканките не се единствената храна што претставува опасност од задушување кај малите деца. Според педијатрите, покрај пуканки, не треба да им се дава на малите деца следната храна:
- виршли
- тврди бонбони
- јаткасти плодови и семиња
- сурови моркови
- јаболка
- цело грозје
- путер од кикиритки
- машмелоу и гуми за џвакање.
Ако не сте сигурни каква храна можете да му дадете на вашето дете на одредена возраст, треба да разговарате со квалификуван педијатар кој ќе ви ги даде потребните насоки.
