Во летните месеци, родителите, за да го заштитат бебето од сонце, неретко ја покриваат количката со пелена или газа за да му создадат на малото сенка, но педијатрите предупредуваат дека на тој начин само може да ја влошат состојбата, дури до таа мера да бебето претрпи топлотен удар и да дехидрира.
Дури и многу тенка прекривка, како онаа од проѕирен муслин може да ја зголеми темепратурата во количката и да го зголеми ризикот од ненадејна смрт кај детето.
Шведските истражувачи, предводени од педијатарот Сванте Ногрен откриле дека пелените и останатите, па дури и најтенки ткаенини во голема мера може да ја забават циркулацијата на воздух и да создадат неподнослива жештина и опасни услови за детето.
Тие ги тестирале своите тврдења и откриле дека во прекриени колички кои биле оставени на сонце, температурата била за 15 степени повисока од оние колички кои не биле прекриени. Во непокриените колички кои биле оставени 90 минути на сонце температурата изнесувала 22 степени Целзиусови, а додека во покриените колички за половина час, се зголемила на 34 степени, а за 60 минути температурата се искачила до 37 степен.
