Прим. д-р Љиљана Којиќ: Нема среќно бебе ако мајката е несреќна и преморена

Не можете да го одржите бебето среќно 24/7. Не можете вие, и не може никој: ни Спајдермен, ни Бетмен, па дури ни Чак Норис! Ако не знаете што да правите - тоа не ве прави лоша мајка. Никој не е совршен и не се сите бебиња исти. Како што бебето ќе расте, ќе станува помалку плачливо и секој ден ќе биде се полесно и полесно

Во ситуација каде што освен хроничниот замор и притисокот на семејството ќе се надоврзат и хормоналните промени и бебе кое често и неутешно плаче – мајката е во ризик од психофизички слом: Прим. д-р Љиљана Којиќ, педијатар

ПИШУВА:
Прим. д-р Љиљана Којиќ
педијатар

♦♦♦♦♦♦♦

Пред околу 20 години, една моја пријателка со мало бебе ме викна итно дома кај неа да го видам нејзиното бебе, кое како што таа тврдеше, не може да дише. Отрчав најбргу што можев докај неа, и таму ја затекнав следната глетка: здраво, прекрасно бебе, додуша малку раздразливо и плачливо, со носе безопасно затнато поради исушен секрет од греењето во просторијата, и мојата пријателка на раб на нервен слом. Штом влегов се расплака со зборовите: „Моето бебе не е среќно, нон-стоп плаче“.
Некои бебиња плачат повеќе, некои помалку. Плачот секогаш ги вознемирува родителите, затоа што се чувствуваат беспомошно

Деновиве, неретко гледам слична слика во ординацијата, кај мајките на моите пациенти. И затоа решив да им дадам поддршка.

Некои бебиња плачат повеќе, некои помалку.

Нахрането е, пресоблечено, нормално затоплено, нема температура и се уште плаче? И ниеден начин не помага?

Плачот секогаш ги вознемирува родителите, затоа што се чувствуваат беспомошно.

Се обидуваат да го смират на разни начини. И неуспехот ги загрижува, затоа што се плашат дека му се случува нешто страшно.

Бебињата умеат да бидат особено нервозни при скоковите во раст (7-10 ден по раѓање, 2-3 недела, 6. недела, 3. месец, 4. месец, 6. месец). Понекогаш не можете да ја одгатнете причината, се обидувате да го утешите на 300 различни начини, но не оди.

Плачењето само по себе не го повредува бебето, а и на него можеби ќе му биде подобро ако некој кој е посмирен го преземе на час или два

Ова може да биде страшно фрустрирачки за родителите кои не спијат во првите месеци по цели ноќи, особено за мајката, која по непроспиена ноќ, откако таткото ќе замине на работа, останува сама дома да се справува со секојдневните обврски, надвор од нејзините работни обврски и професионални текови, а неретко и без помош од семејството.

Во таква ситуација, каде што освен хроничниот замор и притисокот на семејството, ќе се надоврзат и хормоналните промени и бебе кое често и неутешно плаче – мајката е во ризик од психофизички слом.

Ако сте на работ на слом, направете нешто за себеси: Подгответе оброк (млеко) и оставете го бебето на некоја личност во која имате доверба. Излезете надвор на прошетка

Постојат три правила кои секоја мајка на бебе кое плаче повеќе од другите треба да ги знае:

ПРАВИЛО БРОЈ 1. Не можете да го одржите бебето среќно 24/7. Не можете вие, и не може никој: ни Спајдермен, ни Бетмен, па дури ни Чак Норис!  Ако не знаете што да правите – тоа не ве прави лоша мајка. Никој не е совршен и не се сите бебиња исти.

ПРАВИЛО БРОЈ 2. Нема среќно бебе ако мајката е несреќна и преморена. Среќна мајка = среќно бебе.

ПРАВИЛО БРОЈ 3. Како што бебето ќе расте, ќе станува помалку плачливо и секој ден ќе биде се полесно и полесно.

ДАЈТЕ СИ ОДДИШКА.

Проверете повторно: дали е сито, суво, да не е болно (дали има температура)?

Ако е се во ред, не се чувствувајте виновни ако се погрижите за себе исто толку колку што се грижите за бебето. Тоа не ве прави лош родител, туку ќе ви помогне да бидете погрижлив и попосветен родител кој ќе може на бебето смирено да му ја понуди сета своја љубов.

Бебињата умеат да бидат особено нервозни при скоковите во раст (7-10 ден по раѓање, 2-3 недела, 6. недела, 3. месец, 4. месец, 6. месец). Понекогаш не можете да ја одгатнете причината, се обидувате да го утешите на 300 различни начини, но не оди. Ова може да биде страшно фрустрирачки за родителите кои не спијат во првите месеци по цели ноќи, особено за мајката, која по непроспиена ноќ, откако таткото ќе замине на работа, останува сама дома да се справува со секојдневните обврски

Ако сте на работ на слом, направете нешто за себеси, обидете се со овие неколку работи:

Спуштете го бебето во креветче, на сигурно, и оставете го неколку минути;

Побарајте пријателка по телефон и побарајте и совет;

Пуштете тивка музика да ви ги оттргне мислите;

Подгответе оброк (млеко) и оставете го бебето на некоја личност во која имате доверба: на таткото, на сестра ви, на родителите, на најдобрата пријателка, и излезете од дома на час – два. (Не останувајте дома, зашто дури и откако бебето ќе го преземе некој друг, се уште ќе го слушате и ќе „скокнете“ да го земете пак);

Излезете надвор на долга прошетка;

Ангажирајте се во активност која вам ви годи (прошетка, спортска активност, шетање по продавници, кафе со пријателките, топло чоколадо, некоја креативна активност).

Кога ќе ги почувствувате Вашите „батерии“ полни, вратете се дома и земете го бебето во раце

Имањето свое катче не ве прави лоша мајка, туку посмирена и поспремна да му се посветите на бебето.

Запомнете: Плачењето само по себе не го повредува бебето, а и на него можеби ќе му биде подобро ако некој кој е посмирен го преземе на час или два.

Кажете си себеси: „Моето бебе ќе ја надмине оваа фаза“. И така и ќе биде. За само неколку месеци Неговото Величество Бебенце и Вие ќе бидете еден нескршлив тим.

 

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ