♦♦♦♦♦♦♦
Светската здравствена организација денеска предупреди дека можеби никогаш нема да има лек против COVID-19, иако сите се надеваат на пронаоѓање на вакцина против коронавирус.
„Немаме конечно решение за вирусот во овој момент, а можеби и никогаш нема да го имаме“, предупреди генералниот директор на СЗО Тедрос Аданом Гебрејесус.
Генералниот директор на СЗО и раководителот на Одделот за вонредни состојби Мајк Рајан ги повикаа сите нации да ги спроведуваат здравствените мерки како што се носење маски, физичка дистанца, миење раце и тестирање.
Маските за лице, порачаа, би требало да станат симбол на солидарност ширум светот.
Тедрос, исто така, упати апел и до мајките да продолжат да ги дојат своите деца и во случај да се заразени со коронавирус, бидејќи придобивките од доењето ги надминуваат ризиците од инфекција.
