Иако многу се зборува за тоа што го прави поединецот или двојката успешни во врската, градењето здраво и среќно семејство е многу посложена задача. Семејствата постојано се менуваат – со доаѓањето на нови членови, под финансиски притисок, влијанието на роднините или поради неочекувани животни кризи и непредвидливи социјални околности.
Семејствата кои успеваат да ги издржат сите овие бури како сложен тим поседуваат голем број заеднички карактеристики. Тие не само што им помагаат да се соочат со предизвиците, туку и да излезат од нив уште посилни и поповрзани.
Врз основа на повеќе од 50 години работа со семејства, советникот и психолог д-р Ренди Гинтер издвојува пет клучни карактеристики кои го карактеризираат секое среќно и здраво семејство.
- Почит и индивидуалност
Семејството е и тим и група од уникатни поединци, тврди д-р Гинтер.
„Секоја личност заслужува почит и благодарност за тоа кои се, а не само како дел од целина. Во здраво семејство, секогаш постои простор во кој секој член може слободно и без страв да го изрази своето мислење, со поддршка и почит од другите“, објаснува таа.
- Секој има своја улога
Без оглед на возраста, луѓето се чувствуваат поисполнети и поценети кога знаат дека со своите напори придонесуваат за заедницата. „Ова чувство на самодоверба го гради секој член на семејството, во согласност со своите способности, преземајќи одговорности што помагаат семејството да функционира и го олеснуваат животот на другите“, вели д-р Гинтер.
- Урамнотежено лидерство
Природно е членовите на семејството кои најмногу придонесуваат, како што се родителите, да имаат поголема одговорност за донесување одлуки за доброто на тимот. Меѓутоа, како што децата растат и стануваат поспособни, тие добиваат сè поважен глас во одлуките што влијаат на семејството.
Д-р Гинтер забележува: „Иако секогаш постои хиерархија, целта е да се поттикне „демократијата“, така што помладите членови се подготвени да преземат одговорност кога ќе дојде време.“
- Отвореност кон сите чувства
Секој член на семејството, без оглед на возраста, треба да се чувствува слушнат, виден и разбран, тврди д-р Гунтер.
„Ресурсите како времето, енергијата и љубовта се делат подеднакво, но со постојани прилагодувања за да се обезбеди дека потребите на сите се задоволени. Важно е да им се објасни на децата зошто понекогаш мора да бидат трпеливи и да им дадат приоритет на потребите на другите членови“, објаснува таа.
- Заеднички цели, индивидуални соништа
Нема двајца исти луѓе во едно семејство, а нивната индивидуалност мора да се цени, дури и додека функционираат како дел од тим. Д-р Гунтер истакнува дека во здрави семејства, секој знае кои се целите и соништата на другите членови и активно соработува за да си помогне едни на други да ги постигнат.
