Модерните деца растат со интернет, паметни телевизори и мобилни телефони, додека книгите се занемаруваат. Општеството често сугерира дека децата кои гледаат телевизија или користат технологија не можат да бидат читатели, но тоа не е вистина. Еве неколку совети како да ги поттикнете децата да читаат.
- Не ги присилувајте да читаат
„Понекогаш моите деца не сакаат да читаат. Читам најмалку 50 книги годишно, а понекогаш ниту јас имам волја за читање. Некогаш само сакам да гледам тривијални емисии, да пијам газирани сокови и да јадам слатки“, вели Лора Форест Хопфауф.
„Принудувањето или терањето на читање кога немаат волја, нема да ги направи среќни, ниту ќе ги натера да го засакаат читањето. Читањето секоја вечер пред спиење може да стане дел од рутината, но остатокот од денот зависи од нив. Овозможувањето избор им помага да го гледаат читањето како дел од животот, а не како обврска“, вели таа.
- Покажете им дека и вие читате
Децата гледаат кога нивните родители читаат. Кога тие гледаат телевизија, можете да седнете до нив и да читате книга.
“Тие често ги прелистуваат моите списанија и коментираат за облека, хотели и плажи. Знаат дека читањето е дел од мене, како готвење или вежбање. Затоа и тие сакаат да читаат. Моите девојчиња често ми ги земаат книгите, дури и мојата 18-месечна ќерка. Тие со радост и гордост ги прелистуваат, тврдејќи дека читаат како мама“, вели Лаура.
- Одете во библиотеката
„Библиотеките и книжарите се креативни и наоѓаат начини да ги оживеат книгите. На децата им се допаѓа да бидат меѓу книги. Библиотеките исто така ги учат за заедницата, дискусии и стекнување нови пријатели“, објаснува Лаура.
- Користете интерактивни книги
Детските книги често имаат тактилни елементи како што се копчиња или делови со различна текстура. „Моето тригодишно дете може да поврзува копчиња со приказна, додека мојата 18-месечна ќерка сака да допира страници со крзно, испакнатини или леплив мед. Книгите како оваа им овозможуваат самостојно да истражуваат без моја помош“, вели таа.
- Читајте што им се допаѓа, дури и ако е истата книга одново и одново
Повторете им ги на децата книгите што им се допаѓаат. Читањето на нивните омилени книги одново и одново им дава чувство на сопственост на нивното читање, им помага да се поврзат со приказната и да уживаат во читањето. „Често ја слушам мојата постара ќерка да ги повторува приказните што и ги читав сто пати, додека помалата остава сликовница имитирајќи ги знаците што ги правевме заедно“, заклучува Лаура.
