Начинот на кој комуницираме со децата има големо влијание врз нивното емоционално здравје и самопочитување. Важно е внимателно да ги избирате зборовите и да дадете конструктивна и поддржувачка повратна информација. Родителите можат да бидат постојана инспирација која ги поттикнува да придонесат и да изградат подобар свет за иднината, вели советникот и терапевт Лари Мишел.
„Вреди да се вложи дополнително време и труд“, истакнува таа.
Значи, за родителите да избегнат да ја уништат самодовербата и самопочитувањето на нивните деца, советникот им препорачува да престанат да ги користат следните најштетни фрази.
- „Безвреден/а си“.
„Оваа фраза го нарушува чувството за сопствената вредност кај децата и може да доведе до чувство на недоволност и ниска самодоверба, оставајќи долготрајни последици“, предупредува советникот.
Наместо тоа, таа ја советува фразата: „Имате толку многу уникатни квалитети кои те прават посебен/а“.
“Оваа изјава ја препознава и слави детската индивидуалност, поттикнувајќи позитивно чувство за самопочит. Сепак, важно е да се препознаат овие квалитети кај децата, во спротивно тие нема да веруваат во она што го кажувате”, објаснува Мишел.
- „Би сакал/а да си повеќе како твојот брат/сестра“.
Споредувањето на децата може да создаде чувство на ривалство и да направи детето да се чувствува неприфатено. „Истражувањата покажуваат дека со препознавање на силните страни на секое дете, ја негуваме неговата самодоверба и уникатност“, тврди советникот.
- „Никогаш ништо нема да постигнеш“.
Оваа изјава може да ги уништи аспирациите на децата и да ги обесхрабри да ги следат нивните цели, што доведува до недостаток на мотивација и верба во себе.
„Наместо тоа, треба да кажете: „Верувам во твојот потенцијал да постигнеш големи работи“. Оваа изјава ја зајакнува самодовербата, мотивацијата и позитивниот став на детето, обезбедувајќи им на децата основа да веруваат во себе и да работат кон своите цели“, вели Мишел.
- „Ти си разочарување“.
Оваа фраза создава постојано чувство на неуспех кај децата и предизвикува долготрајна емоционална болка, а со тоа ги отуѓува родителите од децата.
Мишел советува: „Подобро користете фрази кои обезбедуваат основа за безусловна љубов и поддршка, поттикнувајќи ја емоционалната благосостојба и издржливоста на децата, на пример: „Те сакам и ценам без разлика на се“.
- „Толку си глупав/а“.
Употребата на погрдни термини ја намалува самодовербата кај децата и ја попречува нивната способност да учат и растат.
„Важно е да се запамети дека децата се ранливи и подложни на влијание, а начинот на кој зборуваме со нив може да има трајни ефекти врз нивниот емоционален и психолошки развој. Користењето позитивни и конструктивни изрази, обезбедувањето поддршка и покажувањето емпатија е клучно за нивното самопичитување и благосостојба“, заклучува советникот.
