Родителите на мали деца знаат дека вирусните инфекции како настинката, се вообичаена појава во текот на растењето. За тоа особено се свесни оние родители чии деца одат во градинка, бидејќи колективите и гужвата се идеално место за ширење на зараза меѓу децата.
Според статистичките податоци, децата се разболуваат од вирусни респиратнорни инфекции многу често, во зависност од возраста и повеќе од девет пати годишно.
Родителите знаат дека не можат комплетно да спречат детето да се разболи, но малите деца растејќи стекнуваат имунитет, па вирусните инфекции се составен дел од растењето.
Превенција
Секоја година, во текот на сезоната на вирусни респираторни инфекции, целокупната здравствена заедница се труди уште еднаш да го нагласи значењето на превенцијата од ширење на вирусните инфекции. Сите тие, а особено педијатрите, даваат основни насоки што треба да се направи за да инфекциите што помалку се пренесуваат и како децата помалку да заболуваат. Некои од нив се: редовно внесување течности, одмор и сом, здрава исхрана, физичка активност, одржување на адекватно ниво на влажност во просториите во кои престојуваат децата, свеж воздух, хигиена на рацете.
Овие препорачани природни лекови помагаат на природен и безбеден начин да се зајакне имунитетот на детето, или во случај на разболување побрзо да дојде до опоравување.
- ПРОБИОТИЦИ
Како што покажале некои нови студии, сложената заедница на бактерии, вируси, габи и други микроорганизми, која настанува во цревната флора и тоа како е одговорна кога е во прашање имуниот одговор. Се верува дека овој сложен систем е всушност прва линија на одбрана, кога ќе се разболи детето. Присуството или отсуството на некои групи на цревни микроби влијае на севкупното здравје, како и на отпорноста на организмот. Поради тоа е важно овој однос на микроорганизми да не се поремети, а во моментите на нарушен имунитет, како што е болест, сезона на вируси, патувања, задолжително се надоместува со пробиотици.
- МЕД И ПРОПОЛИС
Лабораториските тестирања ја покажале ефикасноста на медот во процесот на спречување на растот на бактериите како ( E. coli, Salmonella i Staphylococcus aureus), но и други. Прополисот е одличен за поттикнување на работата на имуниот систем, богат е со полифеноли – антиоксиданти кои се борат против болести. Мед не давајте на дете ако е помало од една година, оти може да содржи бактерии кои може да предизвикаат ботулизам.
- ОВЕС
Овесот е богат со влакна, а содржи и бета-глукан која им помага на клетките да се борат против инфекција. Дополнително содржи и цинк која го поттикнува имуниот систем.
- ЦИМЕТ
Циметот е богат со антиоксиданти, а го одликуваат и антивурусни и антибактериски својства. Благодарение на есенцијалното масло цинамлдехид, одличен е и за јакнење на имунитетот. СТудија докажала дека циметот има одлични антивоспалителни својства, а откриена и способност за ограничување на развојот на бактерии. Употребувајте го како зачин за колачи или во утринските житарки, млеко или кашичка.
- ЕУКАЛИПТУС
Состојката која е директно одговорна за позитивните ефекти на еукалиптусот е еукалиптолот. Таа ги ублажува симптомите на грип, како што е зачестеноста на кашлањето, назалната конгестија и главоболка, така што го намалува воспалението и создавањето секрет во дишните патишта. Може да се применува во инхалација, во комбинација со други билки.
